[عساف]

اقتباس: المشاركة الأصلية كتبت بواسطة الزلزال      بسم الله الرحمن الرحيم افتح البيت يا سعد الخطور *** اقبلتك الوجوه الغاليه علومنا خير والله كان لنا خطره من ذي المكان الى سوق خميس القوز وقد حزبنا من الليل مساء الربوع وكان وصولنا الى السوق صباح الخميس قبل شروق الشمس كان سوق بندر هابطه من كل القبايل سوق بندر الاسعار مستقره والجلب من كل الحلال متوفر والحبوب من الحنطه والذره والدخن والحمريه والسمسم ( الجلجلان ) متوفره واسعارها معقوله 0 درجنا في السوق كان سوق بندر وبعدما تسيوقنا ما حبينا نصدر عليكم فاضين قلنا ناخذ لكم من اللي تشتهيه النفس شويه لحوح وكم نفر لحم حنيذ وقرصان بلدي على النار والصاج وكم قاروره عصير سمسم على البارد 0 ودورنا لكم مرسمه وتفتره علشان نسوي لكم الشهادات لكن ما لقينا الا ورق مسطر صار لونه اصفر من الداخنه في حلانة التاجر 0 والله يالربع انه شي يحز في النفس كان زمان السوق من الصباح الى المغرب اما اليوم فالسوق ساعه مافيه الا هاك وهات على الطاير وشويه الا والسوق ما عاد فيه الا بقعا تلوح بشيلتها 0 هذا ما حبينا نعلمكم به وبقاكم جميعا 0 العلم للجميع من شيبان وكهيل والرد في راس القحم عساف وبعد العلم والرد تفضلوا كلوا من اطايب سوق القوزومعي لكل واحد منكم قارورة عصير سمسم

[justify] [/justify][justify][/justify][justify][/justify][justify]
باقي و لا أنت بشاقي
وحياك الله وحيا الله علمك وحيا الله ابومحمد شيخ شمل المنتدى ،،
والحمد لله الذي كتب لكم ذي الخطوة الموفقة الى ذيك الديرة وانتم في أحسن حال و أهناء بال ،،
وش معنا في تيه الدنيا بعد الفروض الا ان الواحد يسوق الأقدام ويسج الخواطر في ارضه ،
ويتفرج و يبدى له من حياته ودنياه ما كان يجهله او يغر منـه ،،
والأســواق هذا حالها في كل منطقة ما عاد منها ومن علومها ذيك الأوله غير الاسم .....،

وانت عاد اقفيت من المنتدى ونحن هنا لا رحنا ولا جينا في استراحتنا نتلمح في صنع ربك وذلا الشباب في اليوم تلقى للواحد منهم 70 مشاركة في موضوع واحد ما يقهرون الشياطين ما تتعبهم اصابيعهم ...سبحان الله
واحيانا نبدي على المنتدى العام وما ادراك ما المنتدى العام دياس الثيران المتواحنة !!!
والحقيقة اننا افتقدناك حتى قلب الذهب اختفى هو الثاني .... وتشوفني كما المضيع مع تيه الصُفة ،،،
غيرها نشكرك على الهدايا .... ولا كنا شارهين عليك ... تروح تكلف نفسك وتشتري لنا قوارير سليط .... وهديتك مقبولة و موفرة .. وقارورتي اعطها
قلب من ذهب تراني قريت عليها وقول له يمسح بها لسانه واصابيعه وحتى الشنب إذا دخل المنتدى ،،
وهذا ما نقفا به علمك .... وسلامتك و سلامة الحاضرين ،،
( ورطتنا الله يصلحك )
(لغز بريق السيف ما له حل عندي )
( وين اللي بيحلون لغزي ... وينهم ؟ )
[/justify]