[نسيم السروات]

سبحان الله من أعرفتك ياطوق وأنتي تحبين تعقدين نفسك بالتوافه هههههههههه أمزح أمزح والله أشوف لي جزمهة ماشية 200 ياساتر

أبعلم الأعضاء عليك أخليهم يضحكون أليييييييييين يقولون بس

مرة كانت طوق في المدرسة مدري في أي مرحلة متوسط أو ثانوي نسيت

المهم أختنا في الله ضيعت حصه كاملة المعلمة تشرح الدرس وهي مسرحة طول الوقت

ومتعقدة وباقي شويى وتنط في حلق المعلمة لأن فيه شي معقدها ومنرفزها ومسبب لها

إزعاج ولم تتابع مع المعلمة ولم تشارك وحتى الدرس ماتدري عن أي شي يتحدث

تدرون وش هاذ الشي اللي مسبب لها كل هذا النكد طووووووووووووول وقت الحصة


أن المعلمة مسحت الصبورة وتركت شخط في أحد الزوايا لم تمسحة وعقدها هذا الشي

وفقع مرارتها وأستحت تقول للمعلمة باقي شخط لم تمسحيه وكانت طوق مترددة

ويدها تأكلها تبي تروح تمسح ذلك الشخط المشئوم الذي أحدث لها شعور غير طبيعي

في ذلك اليوم من أيام طوق التي لا تنسى .

طوق ماشاء الله عليها مثالية أكثر من اللآزم

وتحب كل شي مرتب وعال العال طالعة علي ماشاء ههههههههههه


ومما قرأت من لوحات مغلوطة أو محرفة في مدينة الرياض نعم محرفة لأنها بفعل فاعل وهي

مرة من المرات مدري من هو الفاضي اللي أخذ سلم طويل وقام على لوحة بنك الرياض


وهي مكتوبة بشكل مضيئ فقام وكسر أحد النقط من حرف اليا صار با وكسر حرف ض كله

فصار بنك ( الربا) فاكثر الناس اللي شافوها قالوا ياسبحان الله طفت لمبات بنك الرياض من الوحة

وصار أسمه بنك الربا وقام بعضهم حول راتبه منه واللي سحب فلوسه منهم أنا هههههه


والنكته الثانية مستشفى الحمادي

عاد هذا واحد حاقد ومفقوع قلبه فزع على اكبر لوحة مكتوب عليها بالبنط العريض ( مستشفى الحمادي )

وراح بفرشه معة ولحس بها حرف الميم في كلمة الحمادي وصار أسمه ( مستشفى المادي )هههههههه

شكله دفع لهم ضربة من تحويشة العمر دعته للإنتقام بهذه الطريقة .

لكن في اليوم الثاني سرعان ما تحرك المسئولين في المستشفى وتتداركوا الوضع ورجعوا حرف الميم المسلوب

والملطوش في أنصاص الليالي .


مشكورة طوق وسامحيني من غير زعل عشان علمت عليك


وأتركي اللوحات وقرأتها عشان ما تتعقدين .