[خطيرالملامح]

ههههههههه أميره بيجي لك يوم اصبري
مدري احس ذا الخدامه بتسوي لك سحر ويبدا مفعوله اذا هجت ديرتهم >>>>>> تلقى اميره يتفخ وجهها وتحمر عيونها وينشدق لحيها من قوه السحر
الحين مالقيتي الا ذا المسكينه بس يالله بيجيك بيوم مقلب العن من ذا

اوما بالنسبه لي ياني كليت مقلب ياناس ياعالم ليما اموت ما أ نساه
شوفوا ذاك اليوم كنت متكي انا وولد جيراننا برى ورى حوشهم عاد تدرون بالديره من بعد عشره بالليل يعم الهدوء المكان ولاتسمع الا صراصير الليل تغرد
الموهم كنا انا وياه نسولف ومدري وش جايب سيره الجن ومالجن لعانه فينا ودخلنا جو نسولف عن الجن عاد تعرفون الانارات مو زي الحين منورين لا قبل كانت مافيه الا نور البيت بس
مالكم بالطويله وبعد عناء وسفسفه حكي عن الجن شوي ومن قدامنا تظهر ذيك الحرمه بسم الله لابسه عبايه سوداء وكل شي اسود وبيدها عصاه عاد دورنا ذاك الوقت
اللي اكد شكوكنا انها جنيه ان بنت اللذين ظهرها مثني وكبيره بالسن وياعليها سرعه غير طبيعيه عاد ماتسمع الا قوه تناهيد مني ومن ولد جيراننا
شوي ووقفت وقسسم ياناس لوقف قلبي قلت بس الموهم ابي اطالع في الثور اللي معي ماقدرت وربي وشوي ويطلع بطلعه مدري وش تبي بالحياه تخيلوا يقول لي وش رايك ندعسها بالسياره؟؟؟
ياغبي يالوح ياتنح هذا وقتك انت واراءك وربي بس قال ذا الكلمه والتفتت فينا وضربت بعصاها سور البيت يجي من فوق زنك وضربته بقوه وكملت طريقها وعاد خذ لك عند جارنا نشرح له عند الباب الموهم واحنا نشرح له وهو يضحك تريقه علينا الا يجيه ذاك الحجر بوجهه ههههههههههههههههه وقسم اول واحد دخل البيت هو بعدها بشوي والا حنا نناظر حتى هو معنا من الدريشه وش هالجنيه.

الموهم اخر شي طلع اخوي الفاغر اللي طاق الاربعين هو ووجهه مخطط علينا هو وولده ربي يرحمه وماخذين عبايه حرمته وعصاه امي وسووها فينا وسلامتكم
وعقبالك اميره تاكلين مقلب اقوى من اللي سويتيه