السلام عليكم ورحمة الله وبركاته،،،،،
قلـــــــــت:
بأشكي عليه ذا الي قالب(ن) كياني
ولغير الله ماني بشاكيه لمخلـــــوق
أتعبني وجرعني الشقى وسقانــي
ويا ما جرَحت سقياه امن الحلــــوق
نشف ريقي وانا اطرده لا يتعدانــي
ولاني بلاهث كمـا الكلب السلـــوق
بأسعى واكافح له وكفاحي جنانـي
ولاني براكــد كل مطرود ملحـوق
ذا الي أبيه عنه إبليس ما أغوانــي
لا هي حبيبه ولا هو طيش مصفوق
ولا هو بزواج(ن) مثل باقي أخواني
ولاشيك(ن) دِسم في ظرف مطبوق
ولا هي بمنحة أرض في دار خلاني
ولا سهم(ن) بغيته يصعد ويفوق
ولا هي بشهره وكلن يعرف عنواني
ولا وساطات(ن) منها القلب محروق
هو حرف الميــم ذا الي هو شقاني
لا صار قبل اسمي بأغني به طروق
وبعدها بأكون بش مهنـــدس زماني
وأفتك من خثــــاك يالدراسه وأروق
يا زينها لا صرت مهنـدس وزهرانـي
وراتبي يكفي ولي مكتب(ن) مرموق
وادري كل هذا بيصير بوقت فاني
ويجيك يوم(ن) نرد فيه كل الحقـوق
يالله أسالك حينها أعلى الجنانــي
جنه الفردوس مطلب كل مخلـــوق
لا تحرموني من آرائكمـ وأخص بالذكر شعراء هذا الصرح العظيم
إبـ مهــــــــــــــرآس ـن
