[عالمي زهران]

تعال تعال انت وياه .. لاتصدق !!
مستحيل تطلع هالكلمه على لساني !!
مجنوون انا !!
اصووم اصوووم وافطر على بصل !!
كل مافي الامر هو .. ان احد (الخويا الهلاليين) طلق وحرم .. مايكتب العنوان الا هو !!
شفتم كيف يبون كل شي لهم !!
ماعلينا ... انا جاي هنا بس لحاجتين ..
اولها >> انفجار اراء الاهلاويين التي كانت ارائهم متوسطه وهادئه فاصبحت قويه و كاش !!
والثانيه >> العجوز اوم خمسين !!

************************************************** *******

في البدايه كان البعض يستغرب كرهنا لهذا الفريق .. وليش انته دايم ضد الهلال .. وماتكتب الا عن الهلال .. وماهمك الا الهلال !!
والحين عرفتم ليش هذا الفريق يفرش له الطريق ببساط ازرق .. من القرعه المشبوهه حتى المنصه !!
ومن القوانين المستحدثه والدوريات اللي تدور !!
يمكن يجيك من هنا واحد .. يمكن يطلع لك من هناك اثنين .. الحراسات موجوده .. والحمايه متوفره .. والتعزيز جاهز ..
وقرارات اللجان سريعه وبالمجان !!
انه ببساطه .. خارج المنافسه .. خارج نطاق التغطيه .. خارج عن القوانين .. وخارج عن الانظمه .. يعني بالعربي .. متخلف !!
وحنا لمن لقيناه متخلف .. وجب اخطاركم بخطورنه .. والتبليغ عنه !!
لادراكنا بواجبنا الوطني والامني .. فكل مواطن هو رجل امن !!
ومعروف لدى الجميع ان من يتستر على متخلف فانه يعرض نفسه للعقوبه !!
فانتبهوا يامن تتسترون على هذا المتخلف .. فانتم عرضه للايقاف ونيل العقوبه !!
من عرفنا الكوره .. لايكاد يمر موسم الا وهذا يتربع في مركازه .. حاط رجل على رجل .. والعملاء مسنترين .. كلن جايبن كاسه .. قصدي كيسه !! لا وبعد فاك خشته زي كذا يعني >
- هاه .. وش جبتوا اليوم ؟
- دوري !!
- اها .. حلو حلو !!
- طيب .. ابي كاس حليو كذا .. متى تجيبوه ؟
- يلا بسرررعه .. بلا بشكلك انت وياه !!
مساكين هؤلاء المتسترون .. الا يعلمون !!
كم مره قلنا .. هذا الفريق .. اتفقت عليه كل الانديه انه محابى .. ومدلل .. ووصولي .. ومتجاوز .. ومو كفو ينافس !!
جونا الاخوان المتعاطفين والمتحالفين وطلبوا الطرح بعقلانيه .. وذولي بالله يعرفون شي اسمه عقلانيه !!
الحين .. فاضت المشاعر .. وانفجر الكبت .. وظهرت الحقيقه .. واتضح اننا لم نكن يوما من الايام مغالطين للحقيقه .. ولا مستقصدين لاحد .. بقدر ماكنا نعلم خفايا الزرق !!
يوم من الايام .. قال لي عبدالرحمن الزيد .. بعظمة لسانه .. >> اللي يبيه طويل العمر حنا نجيبه !!
قلت : ترى طال عمره مايبي الا الافضل مو شرط هلالي !!
قال >> يامر امر .. كلهم حبيبيين .. ويسمعون الكلام !!
على الرغم من ان طال عمره .. هلالي صميم !!
الا انه طلب الافضل .. ولم يطلب اللي يسمع الكلام !!
هذه فقط .. لتعلموا ان المسئولين خقق .. واللجان تخاف !!
يعني بالعربي .. العيب مو في الشيوخ .. ولا وش يشجعون .. العيب والله في اللي يديرون !!
مره من المرات .. محضرين .. انا وواحد اهلاوي يموت في شي اسمه اهلي .. قام طال عمره الهلالي الصميم يسال كل واحد وش تشجع ؟؟
كلن يسال اللي جنبه قبل يجيه الدور .. طال عمره وش يشجع ؟؟
الاهلاوي خق .. وقال >> هلالي طال عمرك !!
اما النصراوي محاكيكم وبكل فخر .. قلت >> نصراوي طال عمرك !! قوي صح
عزي النصر و فخري زهران = عالمي زهران !!
على هذا فالمشكله الكبرى فيمن يمسك المكان وهو مو قد المكان !!
حلوا اللجان .. وانصفوا العالم من هذا الجبان !!
عندها ستصبح الكوره .. منافسه .. وتحدي في الميدان .. وليس عطايا وهبات !!
ياحليلكم يالاهلاويه .. دايم تلعبون بروح وقتاليه وتفوزون .. لكن بالاخير .. تنتهي المباراه وانتم خاسرين .. كيف عاد .. ماندري !!
لكن الواضح .. ان كل شي واضح !!
تحياتي