السلام عليكم ورحمة الله وبركاتة...
لاحشا علية ماهي طلاسم ولاني بمشعوذة ..بس يجيكم العلم الحين..
انا تعمدت اكتب العنوان بهذي الطريقة لكي اداوي بها التي كانت هي الداء..
فسبحان من جعل القسم العام بمنتدانا مثل حراج بن قاسم تجد به كل ماتحتاج
فبالعام تجد مشاكل زوجية وامور صحية ومشاكل تعليمية ومواقف طريفة وفكاهية وربما تجد احدهم ينزل برنامج يخص الكمبيوتر في العام..
مع العلم ان هناك اقسام تخص مثل هذي المواضيع ويعلم الله انها مفتوحة 24 ساعة ماخبرت انها قد قفلت بيوم من الايام
ولكن هناك من يقوم بهذا الشيء اما جهلا او مصرا على العوج..
والمشكلة شيطاني يقول لي كل ليله اسهري يابنت الحلال ونقلي ابو كل المواضيع وخلي المنتدى العام مثل دوار المستقبل بس اتراجع واخاف يجيب ابو نضال العيد فيني...
والله احترت وش اسوي لاني براضية عن اللي قاعد يصير ولاني بدارية وش اسوي..
فتكفون حشمتكم بالله وكل علوم القبايل السنعة ان لاتجيبون لي مشاكل النسوان وعلوم الموضة وعلوم الكورة والحاسب والنكت والضحك في القسم العام...
نريد انضباطية شوي يعيال عمي ونريد ترتيب واعطاء كل قسم حقة ..
هذا والله الموفق كتبتة غربة مشاعر وهي في قمة الحنق والغضب عما يجري هنا