إبليس ناوي يهج من السعودية ...
ابليــــس يصـــف الوضـــع والحالـــة في البلاد
كان إبليس في غرفته , يلملم ملابسه في حقيبةإلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول ,
وبجوارها تقبع تذكرة سفر إلى جزر برمودا الديمقراطية ..
كانت ملامح وجهه في تلك اللحظاتتنطق
بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة,واعترافٍ بالعجز والفشل
إبليس راحلٌ عن بلادنا إلى غير رجعة...
وين يامسهّل ؟؟ ليش تجمّع بأغراضك .. وين بتروح...!!
يارجال مالي قعدة عندكم, صارلي سنين عاطل عن العمل
وقرّبت أموت من الجوع .. أقول معك سيجارة بس ؟
ما رح أترك فيكم لاوسواس.. ولا خنّاس!
كنت من زمان أوسوس للوحدة تترك ولدها يبكي وهي تسولف مع جاراتها,
الحين صاروا لحالهم.. يرمونعيالهم أوّل ما يجون
كنت اوسوس لبنات الجامعة.. يطلعون مع الشباب بين المحاضرات بس لا تسوون شي
مو زين ..! بس سولفوا وكل وحدة ترجع البيت ...
الحين كل وحدة تطلع تجلس باليومين.. والثلاثه.. مع صاحبها في شاليه وترجع وبطنها
قدامها .. واقول لها ليش كذا ..؟
تقول انت غبي ما تفهم الحب والتضحية...
كنت أوسوس للواحد ينسى يسمّي بالله قبل ما ياكل,
الحين الواحد مايلقى شئ يأكله ! يا رجال..
إذا أنا إبليس يا رجل ... تسمّمت بالشاورما..ويييين !!
كنت أوسوس للشاب إنه يرميله كلمة للبنت وهي ماشية بالشارع,
صاروا البنات يرمون للشباب كلام...علي الطلاق... أنا استحي أقوله !!
كنت اوسوس لواحد من المشايخ يخفف على الناس من التشدد في الدين و الفتاوي ..
صار الحين كل شيخ يفتي ويشطح من عنده ..
واحد يحلل فك السحر بالسحر..!
والثاني يحلل عيد الحب.. وعيد الميلاد ...!
والثالث يشطح يقول مافيه شي الاختلاط ...!
ما ورد فيه نص صريح..!
واحد يسرق 100 مليون عيني عينك .. يسجنونه 3 سنين بفيلاّ عالبحر..!
وإثنين يدورون رزق بالزبالة... يمسكونهم الشرطة!!
كنت اوسوس لواحد كبير.. في سوق الاسهم يسرق شوي..! ويترك الباقي..؟
قام سرق السوق كله ...!!
ما ترك لي شي اوسوس وانقنق عليه اذا فضيت...!
كنت اوسوس لناس تجار .. وكبار شخصيات في البلد يرفعون الاسعار شوي
عشان يستفيدوا..؟
قام رفع الاسعار وصلها السماء.. بغيت اموت انا من الجوع ...!
كنت اوسوس لبعض المسئوولين في وزارة العمل يدخلوا اجانب البلد عشان يساعدوهم
ويعلموهم النصب ويستفيدوا .. عشان هم غلبانين في بلادهم ....!
قاموا دخلوا في البلد 6 مليون اجنبي.. اكلوا الاخضر واليابس..
يا رجل... انا معاد صرت افهم لهجتهم ونواياهم عشان اوسوس ...!
إنتم تبغون إبليس إنتم ؟؟؟؟
يا رجال .. صار عندكم فائض بالفساد يكفّي 30 سنة قدّام..! اشبك
صرت أخاف على نفسي منكم يا رجال!!
صرت مرّات أوسوس بالمقلوب .. أقول للمسؤول
إرحممممم يا هووووووه
خلّي شويّ للحراميّة اللي جايين بعدك..!!
يعني إذا إنتو لحالكم ما شاء الله تسوون كل هالبلاوي,
أنا إبليس وش أسوي ؟ هيا انت قولي.. ايش اشتغل ؟
تصدق اول مره احس ان العاطلين عن العمل مسااااكين...!
لاني عاطل الحين و مجرب...؟
اشتغل حارس أمن... بلكي يضبط معاك ؟؟؟؟