[البرنسيسة]

عيدكم مبارك


وكل عام وانتم بخير







[glow=#FF0000]*·~-.¸¸,.-~*شعراء قالوا في العيد ::*·~-.¸¸,.-~*[/glow]

[poem=font="Simplified Arabic,5,darkred,normal,normal" bkcolor="transparent" bkimage="http://www.zahran.org/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]

أقول في نفسي وأنا أعايد الناس =متى بشوفك تكمل أفراح عيدي
أجامل وربي عليم ٍ بالإحساس = وشهو شعوري وأنت عني بعيدي
اللي خذاني لك على سهو هوجاس=حسيت نفسي وسط ربعي وحيدي
لو حسوا بما بي يقولون لاباس = بدال قولة على عيدك سعيدي
لاصرت عندي وقتي أعياد وأعراس= حتى ولو إني وسط سجنٍ حديدي
عاشرت خلان وتخالطت بأجناس= محدٍ سواك أهديته القلب بيدي
من تحت ما طا الرجل لي هامت الراس= كلش هويته فيك والله شهيدي
لقيت بك ذوقي وأنا قاطع الياس= ومعك بدا يحيا الأمل من جديدي[/poem]



الشاعر / سعود بن بندر


[poem=font="Simplified Arabic,5,gray,bold,normal" bkcolor="transparent" bkimage="http://www.zahran.org/vb/images/toolbox/backgrounds/16.gif" border="double,6,gray" type=2 line=0 align=center use=ex num="0,black"]

ياساعة الفرحه تشوقت للعيد=عيد العيون وعيد قلب الصبابه
رد الجمال لشوفتي يا أتلع الجيد= واسحب على حرفي لحون الربابه
حرفي بصوتك يا أجمل الصوت تغريد= يا رمز حبي هاك رمز الكتابه
يا صبح عمري فيك للعمر تجديد= وحبك يجدد كل يومٍ شبابه
للعيد والقمرا وحسنك مواعيد= وليل الهوى شرّع للأحباب بابه
يا ما زعجت الصوت باسمك تراديد= ويا ما نسيم الوجد يمك سرابه
وياما تمنيتك على باقي الغيد= وأقول مثلك يا غلى الروح مابه
يا قطرة الغيمه على يابس البيد= رد الحياة لخافقي يا ذهابه[/poem]




الامير / خالد الفيصل



[poem=font="Simplified Arabic,5,deeppink,normal,normal" bkcolor="transparent" bkimage="http://www.zahran.org/vb/images/toolbox/backgrounds/11.gif" border="double,6,deeppink" type=2 line=0 align=center use=ex num="0,black"]


العيد فرحه وإجتماع وتقــــــارب = وأنا قضيت العيد ماني بمرتـــــاح

هارب من التفكير يا ناس هـــارب = أمشي مسافاتي على هم وإجراح

مالي مع الفرحه رصيد وتجـــارب =هاذي حياتي ما بقى شي مـا راح

عيني تخيل البرق بعد المغـــارب = ويرجع نظرها وبارق الوسم مـا لاح

عليك يا اللي كل ما قلت قـــارب = تبعد مسافاتك ببمسى ومصبــــاح

مالي جدى يا كود فر العـــقارب = يمكن يصير لتالي الصبر مفتــــــاح

دار الفلك والنوم للعين حــــــارب = وطاح اللحاف وكايد الهم ما طـــاح

حملي كبير وشايله وسط قــارب = والموج عالي والبحر دوم ذبــــــاح

في غبته كم طاح شارب وشارب = وكم من صبيٍ تالي الليل صيـــــاح

هاذي حياة المبتلي والمضــارب = ثوبه شقا .. والزهد باين وفضـــاح[/poem]







الشاعر/ شبيب غزاي


[poem=font="Simplified Arabic,5,tomato,normal,normal" bkcolor="transparent" bkimage="http://www.zahran.org/vb/images/toolbox/backgrounds/21.gif" border="double,6,tomato" type=2 line=0 align=center use=ex num="0,black"]

العـيـد بـاكـر أسـعـد الله مـمـسـاك =والله مــدري ويــن خـــدٍ جلـسـتـه
وين انت ياللي عيدنا فـي محيـاك =كف القدر من ضيقة الخلق بسته
من يوم ما لوحت لي كـف يمنـاك =لليـوم دمعـي بالخفـا مــا حبسـتـه
ومـن يـوم ماذوقتنـي حـر فرقـاك =والياس زرعه في حياتي غرسته
شريت لي ثوبٍ علي شـان لقيـاك =والثوب راحـت موضتـه مالبستـه
وشريـت عطـرٍ مـا زهانـي بليـاك =أربــع سنـيـن بعلبـتـه مالمـسـتـه [/poem]






الشاعره / عابره سبيل


[poem=font="Simplified Arabic,5,purple,normal,normal" bkcolor="transparent" bkimage="http://www.zahran.org/vb/images/toolbox/backgrounds/4.gif" border="double,9,purple" type=2 line=0 align=center use=ex num="0,black"]

هنيِّكـم ياللـي بهالعيـد فرحيـن =وهنيِّكـم يالابسيـن الجـديـدي
كلٍ فرح بالعيد حتـى المساكيـن =وأنا إتكسر عبرتي فـي وريـدي
وساعةٍ مرت علي كنهـا سنيـن =والدمع بعيوني وفكـري شريـدي
هني من شاف الغضي لابس الزين =أنا أشهد إن مشاهده يـوم عيـدي
وإن عيدوا ماشفت أنا داعج العين =أنا أشهد إن العيد ماهوب سعيـدي[/poem]


بشير حمد





[poem=font="Simplified Arabic,5,,normal,normal" bkcolor="white" bkimage="" border="double,6,black" type=2 line=0 align=center use=ex num="0,black"]

عيد الله عليك يعود بالمستكا والعود = اهنيك جعل الله بشوفك يهنينـــــــي

عيدية ضميرٍ حط فيه الفراق لهـــــود =أجامل على الأنظار والهم طاويني[/poem]




الشاعر / سعد بن جدلان



[poem=font="Simplified Arabic,5,darkblue,normal,normal" bkcolor="transparent" bkimage="http://www.zahran.org/vb/images/toolbox/backgrounds/14.gif" border="double,6,darkblue" type=2 line=0 align=center use=ex num="0,black"]

عيدك مبارك يا هوى البال وسعيد =وكلٍ يهني صاحبه وقت الأعياد

بس الرسايل يا منى الروح ما تفيد= ولا تغني الصوره عن الشوق لازاد

لابد تزور الدار في فرحة العيد = يا منيتي شمس الموده والإسعاد[/poem]




الشاعر / سعود الفدغوش



[poem=font="Simplified Arabic,5,deeppink,normal,normal" bkcolor="transparent" bkimage="http://www.zahran.org/vb/images/toolbox/backgrounds/11.gif" border="double,6,deeppink" type=2 line=0 align=center use=ex num="0,black"]
يقولون هذا العيد ...يا زين يوم العيد= صغارٍ تسابق في ملامحهم الفرحه
وأنا أقول هذا العيد عيداً ما هو بسعيد=نكد صار يوم العيد مثل أمس في جرحه[/poem]




الشاعر/ ناصر الضويحي




[glow=#FF0000]اتمنى ان تنال على استحســــــــانكـــم****[/glow]



تقبلوهــــا مني بكل الـــووود,,,