أفترى حبك على قلبي أفترى ..
يآ عصام ألحق خويك يا عصام ..
أنظر .. أنظر يالخوي للي جرى !!
كن نجمة حاضنة بدر التمام ..
وكن ظلام الليل .. { شلال شعره } ..
الزمام .. و ما أدراك ما الزمام ؟!
عشـق بعض نٌاس من الطفولة
الزمام .. و ما أدراك ما الزمام ؟!
تاريخة
هو حلية من حلي النساء من التراث الشعبى القديم ,
و هو حلقه توضع باحد فتحتي الانف الغرض منه الزينه
عند النساء , شائعه الاستخدام فى الماضي!!
منشأ الزمآم الأصلي
في أفريقيا ثم انتقلت بعد ذلك إلى الهند
ومن ثم وصلت إلى باكستان.
الزمام
.. مرتبط بالهند ويعتبر من التقاليد التي ظهرت
في القرن السادس عشر ..
ومن معتقدات الهنود .. إنو اللي تحط الزمام في جهة اليسار
,, تتسهل عليها الولادة وما تألمها ..
ويحطونه للبنات إذا قربوآ من سن الزواج يعني 16 سنة لكن الحين
وبعصرنا الحاضر يوضع بأي عمر
ملاحظه مهمه
الزمام يلفت الانظار ويبرز جمال الخشم !!
لكن اي وحده قبل لا تسوي زمام لازم تتأكد انه مناسب لها
لانه لو خشمها كبير او فيه عيوب راح تبان اكثر و راح
تتسلط الانظار على خشمها بسبب الزمام
مكان الزمام
ويقال افضل انه يكون باليمين
كيفية عمل الزمام قديما
يجيبون أبرة و يقربونها على النار شوي .. على أساس تتعقم !! ..
وبعدين يدخلون الابرة و يدخلونها بالمنطقة المطلوبة !! << أنواع العذاب
المهم لما يدخلون الابرة , تكون الابرة فيها خيط ويقطعون الخيط
ويعقدونه بشكل دائري على طرف الخشم
وبعدين يجيبون من المسيد ( المسجد ) حصى لآن حصى المسجد طاهر ..
ويغسلونه ويحطونه من الصبح اللين الظهر اللين تشويه الشمس ..
ولما يصير حار يأخذون حصاتين وحدة يدخونها جوا الخشم و وحدة من برا !
ويكوون الخشم بها .. على أساس ما يلتهب ..
ويصيرون كل يوم كل ما صلحوا قهوة .. يأخذون من القهوة ويصبون
على الخيط المعقود و يحركونه ..
وتكون القهوة طبعا حارة ..
ويسوون كذا بالقهوة 4 أيام .. و عقبها يركبون الزمام الذهب ويكشخون به ..
تخيلوا كل هالعنا ذا عشان تصير خشومهم تهبل ..
الزين فيك طااغي وشوله زمام ..
خل يلبسه من زينهم على قد حااله
كل المزايين لك يصيرون خدام ..
مثل لقمر يجلس ونجومه قباله
معلومات مهمه قبل علم الزمام
بما إن الانف فيه أعصاب كثير .. يمكن يكون الخرم في
هالمنطقة مؤلم ..
و ممكن تتعرضين للالتهابات أو صديد في هالمنطقة
يعني عزيزتي الفتآة < .. إذا نويتي تحطين زمآم لا تتحمسين و تخرمين في بيتكم !!
.. الله يخلي أقرب مستوصف بالحي ..
لمآ تروحين للمستوصف أهم شي يكون عندهم مسدس الخرم
< بصراحة أنظف شي وأضمن من الأبرة ويركبون لك الحلق الطبي
مسحات طبية .. عشان يكون كل شي معقم و نظيف ..
روحي للصيدليه واشتري التـالي :
و مرهم Fucithalmic
مضاد حيوي عشان ما يلتهب الخرم ..
أهم شي حآولوآ تخلون المنطقة دآيم نظيفة ..
عشان ما تسود المنطقه حول الزمام
أشكآل الزمآم
هنا فيه صور لأشكال الزمام المنتشرة ..
هآلشكل أحسن شي .. وكثير بنات يفضلونه ..
موضة كانت منتشرة جدا قديما بين النساء والفتيات وجات فترة وانتشرت، لكن رجعت هالموضة بالسبع السنين الحالية..
قديما الزمام كان من الذهب وهو الافضل وحاليا بعد من الذهب لكن اللي يفرق هو انه الحين بنات يلبسون الزمام الصغير والنعوم ....
وفيه أنواع لزمام تكون كريستالات صغيرة تلزق،
حتى انه العرب تغنوا في الزميم -((الزمام))
مثل قول ابن شاهين:
الخد براق سمر في غمامه
وعيون سود ناعسات مكاحيل
والخشم مسلوب زهابه زمامه
كنه من الرهاف البيض المصاقيل
وقول العريني:
ابو زميم على مثل البرد هفا
ما حطه الا عذاب للهواوية
ويقول غيره:
ابو عيون هدبهن صفة الريش
وزميمه تحت حجر العين بان
مخـرج
لآ برز من حد برجه للأنام ..
أنتظر .. والليل لـعيونه أسهره ..
هزني حبه .. ومآ فيها كلام ..
فّل قلبي .. ثم لمه و نثره ..
ليت يدري وش عمل فيني الزمآم
وآو يآ زينة .. ويازين منظره
منقول