يسعدني ان اضع بين ايديكم في هذا الصرح الشامخ هذه القصيدة وهي اول مشاركة لي وارجوووو ان تحوز على رضاكم ...
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالله يا شافي قلوب المعاليل = تشفي ضميرٍ ما لقينا الدواء له
مما تشوف العين صرنا مهابيل = لين البصير اصبح يريد العمى له
مصيبةٍ حلت بنا يا رجاجيل = من جيل ما يعرف دروب الرجاله
جيل الكدش ومطيحين البناطيل = جيل الندم يا لعن ابو من بكاله
مقلدين الغرب وأهل التماثيل= في ملبسه في مشيته في نعاله
له فوق راسه شوشتن شالها شيل = لا عانه الله في ذي الحمل شاله
حتى اصبحوا يمشون مثل المخابيل= والبعض منهم يخترع من خياله
لا واحسايف كل ما جالنا جيل = اصبح ردي واردى من اللي قباله
لكن يا أهل العرف لا يطفح الكيل = تكفون كلٌ يلتفت في عياله
وإذا لقي له ميل فيعدل الميل = لا يتركه ويقول مالي وماله
اخشى عليكم ما الليال المقابيل= واخاف من وقتٍ يلوي حباله
هذي نصيحه للرجال الحلاحيل= اللي يثمن غترته مع عقاله
اللي لفعل المرجله يبذل الحيل= ولا نسى عادات جده وخاله
وإختامها ما عاد يحتاج تفصيل= الوضع واضح ما يبي له اطاله
وصلاة ربي والثناء خير ما قيل = على النبي الهادي وصحبه وآله
[/poem]