(( تعريف بــ قروب المصاقيل 
))
..الشخصية الأولى ..
صقر المهاوي
صقر المهاوي.. وفي رواية اخرى عبدالله ..
اول ما يدخل عندنا بالعزبة تشوفون عيونه طايره .. بعذره هالمسيكين من اللي يشوفه بالبحرين
..
المشكلة انه يسمع بالاشراف اول ما حطوه مشرف صار يلبس لبس عسكري
لا ومصدق عمره ماسكن دفتر وقلم .. اللي يشوفه يقول بيعطي مخالفات
هذا دايم قافلتن معه .. ودايم يخرب علينا جونا من النوع اللي لا ذبيت عليه يناظرك بحقد ..
المشكلة انه تلقاه فاقع ضحك بس اعنبو بليسه مدري شلون ما يبتسم
ابرز مميزات الشخصية :
1- نفسه دايم بخشمه .<< امحق ميزة
.. والله اني اشك انه بداخل خشمه فيه جيفه والا شي
.. يا عالم محد يكون قافلتن معه ويخرب الجو الا لا صار شام(ن) له شي خايس
2- شعره فلافل ( عرابيد ) خخخخ .. مرات نستعمله ليفه لتمسيح المواعين بالمطبخ ( والله خوش ليفه
) ..
ذاك اليوم عاد كنت سادحه في المطبخ وقاعد افرك القدر فوق راسه
.. المشكلة مختلف
هذا نذل كان يجيب عجرا ويطق القدر ماسكة معه على سامري
3- كرشته وش كبرها لا والمشكلة فيها سفطات واجد كنها مطبات طريق الثمامة ..
المشكلة موب هنا .. المشكلة اذا شال له صفطة من هالصفطات تلقى لك كائنات حية ميتة بين هالصفطات ومتحجرة ..
( تصدقون يا جماعة انه ذاك اليوم شال له صفطة ولقيت صرصور مفعوص ميت وكان معصب على (صقر المهازي)
ويسوي له حركات بطالية بذيله
)
مخـــتــــلف
مختلف ... وفي رواية اخرى حـــــــسن ..
يسمونه في العزبة الفلبيني
.. عيونه ممعوطه مع الجوانب تسنها التفيخه ( البالون) لا جا ولد صغير ومعطها مع الجوانب عشان تطلع صوت
دايم طايره حواجبه ومستغرب .. عشان كذا دايم تشوفونه يستعمل علامة التعجب في ردوده وكلامه
انسان مخفه وينلعب عليه .. كل ما جيت تقوله سالفه يرد عليك (( معقولة ..!! ))
الشنب حقه مأذينا .. فرحان توه بالغ ومخلي شنبه ما يحلقه ولا يحدده .. بس يقولون انه مطول شنبه لانه ما يطلع له شعر براسه .. وتلقاه يفرد الشنب ويرميه فوق راسه صاير كنه جدايل
.. مرات تلقاه يصبغ شنبه ومرات تلقاه شاري له شامبو كلير ضد القشرة وخذ لك يا تدهين في هالشنب
.. ومرات يسوي مسكرة للشنب << هذي خاشة عرض
بس كله كوم واذا جاب استشوار وقعد يستشور الشنب كوم ثاني
ابرز مميزات الشخصية :
1- اصغر واحد فينا بالعمر .. ودايم مسيكين امسكه انا وخطير الملامح نكرشة من العزبة اخر الليل خخخخخ
( عاد تصدقون مره جا خطير الملامح قاله رح سكر الباب من ورا .. جا هالدلخ وراح يسكره من ورا وقعد ينادي ويصوّت : هااه وش رايك اعرف اسكره والا لا ؟
وش بلاك ما ترد اعرف والا لا ؟
.. هالمسيكين طلع له خطير الملامح
بعجرا فقع وجهه
)
2- نص الذبات والسواليف ما يفهمها .. والله انه بريء يا جماعة طلعوه من العزبة لا يضيع مستقبله معنا
( هذا اللي داقين عليه بامبرز صدق يقولون تعال سو دعاية لنا من زود البراءة
)
3- مطفوق ومن زود الطفاقة ما يعرف يقول كلمتين على بعض .. وفيه عجله موب طبيعية .. عاد الصقر المهاوي يكيّف عليه .. يجي يقوله من يبي يروح معي للبقالة ؟ ويجيك مختلف يرفع يده ويقول انا انا انا الله يخليك انا
.. ( عاد الصقر المهاوي يقوله بوديك بس احلف ما تعلم احد اني وديتك .. يجي على كل حال يحط لسانه في فمه .. ويشيل له شوي سعابيل .. ويرسم سيفين على رقبته ويقول " قـــاء
ما اعلم احد )
[/align]