رد: إنسحاب العنصر النسائي من المنتدى
اسمعوا وش يقول الشاعر الدكتور /عبدالواحد بن سحبان
يارجاجيل اسمحوا لي يمكن الموضوع فيه احـراج
النظام الغربي أعطـى للنبـات وللبهيـم احقوقـه
والمره فـي مجتمعنـا ليـش ماتعطـى حقوقهـا
المره من طينة الرجال من ظهـراً وبطنـاً واحـد
ليش ماتعطـى فرايضهـا والإسـلام اكتفـل بهـا
وانها ماهي غريبه فان كان اجدادنا في الماضـي
يدفنون البنت حيه صدق ماعنـد العـرب قلـوب
ثم عدّا وقـت والرجـال مـا مقهرتـه إلا مرتـه
كل شي في ظهرها من غير لا شكـراً ولا تقديـر
وان تعرضنا لطاريها نقول الحرمـه اكرمـك الله
كنّها جايت بوصمة عار نخجـل ننطـق اسمهـا
وحرمّنها من الميراث ما تلقى نصيـب ولا حـظ
وعتبرنا باب توريـث المـره عـدوان ونّتهـاك
ثم جاء التعليم و الواحد بطاقة زوجته فـي جيبـه
يسلبّهـا ويهينهـا ويـضـم راتبـهـا لراتـبـه
التساوي بين رجال ومره خارج حـدود المنطـق
كم رجُل مافيه خير وكم مره تسوى ميـة رجـال
اتقى الله في النساء يرضى عليه ويزعل اللي يزعل
ماعلي من الـذي ماهـو بواثـق مـن رجولتـه
وسلامتكم
ـــــــــــــــــــــــــــــــــــــ
|