رد: قصيده في بنات زهران
صح نبظك وبوحك العذب
وافيه بنت وافين ولله درك
ولواني مافهمت مسبوق المداويه هههه
بس يكفي ان عرفت ان الملح ينبت
مع التقدير
حنّـا بـنـات الـوطـن وشـمـوع ديـجـوره
وحناّ بنات الوطـن وأحلـى سعوديـه
منابـت المجـد وأصـل المجـد والصـوره
مـرابــط الـعــز وسـبــوق الـنـداويـه
منابـت الملـح وأصــل الــورد وزهــوره
مكـاسـر الـعـود والنفـحـه سـمـاويـه
عذبات الانفاس وأغلى المسك وعطوره
نفحـات الاشجـان والنسمـه ربيعـيـه
فـوح الخزامـى بـروض ٍ قيـل ممـطـوره
قـدِ علّهـا مـع بكـور الوسـم وسميـه
حـنّـا بـنـات الـوطـن سكـنـاه وخـــدوره
حنّـا بـنـات الـوطـن والثـقـل مـاريّـه
يالـلـي تـعـذرب بـنـا يمـنـاك مـكـسـوره
مـاكـن فيـنـا لــك أم وبـنـت وأخـيـه
أفـكـارك الـســود مشـبـوهـه ومـبـتـوره
وعلومـك الـعـوج ملفـوفـه وملـويـه
تــلــف وإلا تــزيــد الــلــف لــــك دوره
العلـم بالهـون والحـاجـات مقضـيـه
خذهـا عـلـى نــور والـرايـات منـشـوره
بالـعـدل والمـيـز مكتـوبـه ومـقـريـه
خـذهـا وبـاقـي بـهـا وقـفـات مـذخــوره
تجيـك مـن فـوق وإن حبـيّـت رديــه
بنـت الوطـن ياضعيـف الـرأي مـذكـوره
بالخيـر والطـيـب مـذكـوره سنافـيـه
مــن أول الـوقـت يالمسكـيـن مشـهـوره
بالفكر وأحلـى التواصيـف النسائيـه
بنـت الوطـن ياقصيـر الشـوف معمـوره
بالعـطـف واللـيـن وتـزيــده بحـنـيـه
إن كـان بالكـون قـالـوا عيـنـه وحــوره
بنت الوطن من عظيم الشان حوريه
بنت الوطن من جمـال الخلـق مستـوره
الطبـع هــادي ووقــت الـجـد جـديّـه
ممـكـن تـقـوّم بـوجـه المعـتـدي ثـــوره
والأصــل تكوينـهـا ثـابـت حـيـاويـه
شيهـانـة اللـحـظ بـنـت الـريـح منـثـوره
ملمومة الخصـر بنـت الذيـب ريميـه
يـعـنـي حـجـازيـة العـيـنـيـن مـخـبــوره
نجديـة الخـصـر واللمـحـه خليجـيـه
ريحـانـة الـفـل بــأرض الـفـل مـبــذوره
يعني عسير وعبيـر أحلـى عسيريـه
وقـــاّدة الـحــس بــالاشــواق دكــتــوره
يضيـق صـدر الزمـن تبقـى شماليـه
تكتـب حـروف الـوفـا وتـسّـن دسـتـوره
بحروفها إخلاص وإن حبّت هواويه
يعنـي هـي الجـو مــع بـيـداك وبـحـوره
مـن رأسهـا للقـدم بالـزيـن مكسـيـه
سمـعـت يالـلـي حسبـتـه لعـبـة الـكـوره
بعـض السواليـف لا سقتـه عماويـه
لا ضيّـع الـدرب مثلـك وأخلـف شـعـوره
نـدلّــه الـــدرب والاعـمــال بـالـنـيـه
يـاخــاوي الـفـكـر والـعــدلات مـقـبـوره
في صدرك اللي لبس بلـواه صدريـه
مغـرور مغـرور مثـلـك نــاس مـغـروره
بمـركـب النـقـص والاوهــام مبلـيـه
منـادمـيـن الـخـطــا مـلـفــاه وطــيــوره
الـفـكـر خـيــاّل والـسـاحـه خيـالـيـه
مــن الحمـاقـه لبـسـك الكـبـر وشــروره
والحمق رمح الـردى وحـدود هنديـه
تسـكـن زوايــاك والطـرقـات مـهـجـوره
ياغراب خل الحمـام إنسـى خطاويـه
لـو تفـرد الريـش يالـطـاووس مـأثـوره
عـواقـب الكـبـر يالـمـغـرور سلـبـيـه
يـاسـيّـد الغـطـرسـه يـاقـاصـر شـبــوره
ياعاشق الذات عشق الـذات نفسيـه
سمـعـت رد الاصيـلـه وإفـهـم سـطــوره
بسـيـط مـنـسـاب والاوزان شعـبـيـه
وإسلك طريـق الهدايـه وإحفـظ السـوره
السـوره اللـي علـى المعنـى ومكـيـه
وإن كان نفسك على الشينـات مجبـوره
والـنــار يـامـيّـت الـنـيـران مطـفـيـه
أجـيـك أنــا بـنـت هـالـديـره ومـأجــوره
وتشوف بنت الوطن والجمره الحيه
أجيـك وتشـوف بنـت السـبـع مسـعـوره
وأخـرك معـروف والدعـوى طبيعيـه
الـوقـت مـعـروف فـــي زنـــات دبـــوره
يخـرّب العـش وهـو الـعـش راعـيّـه
ماهـي بشرَبـه مـن الـغـوري وشـابـوره
بعض الحكاوي وفيه حـدود محميـه
خـذهـا ولا أقـــول لا رديّـــت مـشـكـوره
من واجبـي لا دفعـت الشـر والسيّـه
بــأول خـطـوط الـدفـاع وراس طـابـوره
أصــــد وأرد والــصــدّه هـجـومـيــه
خذها وأنـا بنـت قـوم المجـد وحضـوره
منـي وأنـا مـن بنـات الــدار شرقية
من الشرقية ماجيـت أنـا المغـرب وناطـوره
وماجيت حد اليمن ما كنـت مصريـه
خذها وأنا ماعرف الحمراء ولا شتـوره
ولا جيـت عمـاّن وإلا كـنـت شامـيـه
ولا نيـب مـن بابـل النهـريـن وآشــوره
خذها وأنا مـن عظيـم الشـان منصـوره
من الشرقية ماقول أنـا شقـراء وغربيـه
أعـيّـد الـعـيـد مـــا عـوشــر بـعـاشـوره
الـديـن الاســلام والمـنـهـاج سـنـيـه
خذهـا ونفسـي علـى المسفـار مـأمـوره
والنفـس معـروف مأمـوره ومنهـيـه
ماقلتهـا مـن غضـب بالـوقـت مقـهـوره
على الملا وإن بغيـت السلـم سلميـه
خذها وأنا بنت روس الطيـب وصقـوره
ـــــــــــــــــــــــــــــــــــــ
|