بعض العرب حبـه يـوردك الجنـون
ولا يوصف لـه غـلاه احكـاك لـه
مايقنعه وصف الغلا لـو وش يكـون
لو كل حـرفٍ بالحريـر يحـاك لـه
الموت جاك وهـو تقلبـه الضنـون
ولا لك الا الصبر....وش وداك لـه؟
ان قلت ضايق..قال : هونها تهـون
مايدري ان ضيقتك لـه وبكـاك لـه
تقعد تحبه وانـت ساكـت ومغبـون
يمكن بيوم يقال له مـا اوفـاك لـه
وكانك مشكك هو يموناو مـا يمـون
تخيّل ان عفـت الصبـر فرقـاك لـه
غلاه من فوق الغـلا ماهـو بـدون
وحكاه سمعك يجبـرك بارخـاك لـه
ودك تحطه فالعيـون مـن العيـون
وتبسط على رمضى الثرا يمنـاك لـه
وتسج من غيـره لونهـم يذكـرون
ومنين ما سجت القـدم ممشـاك لـه
فلو ٍ يميله التـرف ميـل الغصـون
غصن ٍ ليان ومكرمـه بسقـاك لـه
جديله الى اقفى ستـر منـه المتـون
كنّـي بريحـه لالتفـت لدعـاك لـه
يزها الملابس ..اي لبس ..واي لون
وفالليل وجهـه لا ظهـر قـداك لـه
كيك وعسل لكن ماهو فـي صحـون
ودعاك من عين الحسود اغطاك لـه
الله لا يعطيـه نـاس س ينظرون
ويستر عليه مـن النحـل لا ياكلـه
الوصف والتعبير في وصفـه يخون
غير اطلب الله يستجيب ادعـاك لـه
وعذال قلبك فـي محبتـه إيهبون
سكينهم عـن قطـع حبلـه حاكلـه
اللـي مـن لحـوم الاوادم ياكلـون
وحلوقهـم دافـع البـلا متواكـلـه
ناس ٍ عن اعراض العرب ما يعرضون
ودايم على نفس الشكـل والشاكلـه
في سلمهـم اولا بالاكـل الاقربـون
واطيبهم اللي صيدتـه شكـواك لـه
يدعيهم الشيطـان للذنـب ويجـون
هـذا يقطـع لــه وذاك يواكـلـه
يا جعلهم فدوة ثـرى الغـض الفتـون
اللي على الدرب الطويل اخطـاك لـه
طيفه الى نـام البشـر زارك بهـون
وطيفك الى نام البشـر سـرّاك لـه
حبه دفان ومقبـرة خضـر الطعـون
بيـن العظـام العـوج كنـك تاكلـه
اللي كذا حبـه لـو تمـوت مغبـون
ولا لك الا الصبـر .. وش وداك لـه