[صالح بن تويم]

مســــاء الخيــــــر للجميــــــع ، مصافحة جديده ارجــــو ان تنــــال على رضـاااكــــم ..


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا عيوني دام صار الحزن عاده = عانك الله يا عيوني وأصبري
جعل بعد الحزن تاجيك السعاده = وكل جرحٍ في خفوقي ينبري
لا يهمك شخص ما حقق مراده = طالعي وش صار حولك وانظري
أدري الظالم بعد يجني حصاده = وأدري المظلوم عند الله بري
وأدري الصادق كلامه بالركاده = وأدري الكذاب بلسانه جري
وأدري إن الحر ما يحتاج إعاده = وأدري إن العبد بعصاته ضري
وأدري الطيب يعيش أبلا سياده = وأدري النصاب يشرونه شري
وأدري إن المال اصبح فالرياده = صار ميزانٍ يعد وينطري
ما يهم أسمك ولا تحتاج إشاده = بالدراهم تصبح أنت أمقدّري
ود بعض الناس يصبح لك وساده = والبعض وأستغفر الله منبري
كلها من شأن دينار القراده = اللي أصبح نار فالظلماء تري
من سبايبه الفتى يطلب بعاده = عن بني عمه وأخوه ويهجري
يا وجودي وجد من ضيع عداده= في نهار الحرب عنها ما دري
والله أن الوقت سبب لي بلاده = من بعد ما كنت به غصنٍ طري
والرجل مما يشوف يعاف زاده = يقتنع بالوقت وإلا ينكري
قلتها وأنا بي أهمومٍ زياده = لو بسجلها يخلص دفتري
[/poem]