[عبدالله الطنيني]

السلام عليكم

يطيب لي أن أقدّم لكم آخر قصيدة غزليـّة نظمتها ، عساها تعجبكم ، (مع التحية)

يــاهـــل الـــهـــوى تــكــفــون

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/17.gif" border="none,4,gray" type=1 line=0 align=center use=ex num="0,black""]
أنا اشكي جروح الحب ياهل الهوى تكفون=فلا غيركم يعرف دوى جرحـي الدامـي
تردون لي قلـبٍ سليـبٍ مـع المزيـون=ولا زلت فـي رجـواه عـامٍ ورى عـامِ
فمن قبل سبع اسنين قلبي معه مرهـون=ومن وقتها في الشعر هو مصدر الهامـي
ومن كثر صبري ملّ صبري وانا مغبـون=أداري على ما تلـي مـن باقـي ايامـي
فلا احدٍ يلوم العاشق ان بيّـح المكنـون=من اهل الهوى مثلـي وبعـدي وقدّامـي
فليلى يقال ابـن الملـوّح بهـا مجنـون=وتالي حياتـه مـات فـي البـرّ هيّـامِ
عبرت الهوى وآحسّبه عـاديٍ مسنـون=بحسن النوايا حبنـا العـذري السامـي
ولم ندري ان الحب لـه صيغـةٍ وفنـون=بَعَضْها علـى راعيـه يحكـم بالاعـدامِ
فلي قصّةٍ يحكي بها الناس لـو تـدرون=مع الي يفوق الوصف ويفـوق الاوهـامِ
رماني بسهم الحب من ساحـرة لعيـون=فصوّب حشايـه عندمـا سـدّد الرامـي
وخلّف على جوفي من الداميـات طْعـون=من اسبابها عانيـت ضيمـي والاسقـامِ
وسرّ المحبّة عاش في داخلـي مدفـون=سنينٍ وانا اخفيهـا عـن اولاد الاعمـامِ
فلولا الملام آشد لـه رحلتـي وضعـون=لو آموت في درب الهوى جايـعٍ ظامـي
ولا ارمي جنابه بالخيانة وهو مصيـون=ولو كان يرمـي فـي جنابـي بالاتهـامِ
ولا آحيد عن دربه ولو خالف المظنـون=حَسين الشمايـل جعـل تفديـه لوّامـي
ومهما يطول الوقت حبه معي مضمـون=ولكـنّ طـال الهجـر مـا ردّ بـاعـلامِ
متى يا بشير السّعْـد يالطايـر الميمـون=تجي بالخبر من صاحبي غايـة احلامـي
عسى الله يجيب الي على اسرارنا مأمون=ونكمل علاقتنـا علـى شـرع الاسـلامِ
[/poem]

حقوقنا محفوظة ، حفظكم الله

وسلامتكم ، يا كرام