[عالمي زهران]

من فين ابدا .. من اول الدوري ولا باخره !!
من الطموح لكسر رقم .. ولا بالوصول للاسيويه !!
من الخوف من رد الخمسه .. ولا من العقده الامارتيه !!
اثبت اليوم الاخير من الدوري الزين .. غباء مايسمى بجريتس الداهيه !!
وتاكد في اليوم الاخير من دوري التجزئه .. ان البطل مو كفو يقارع الكبار !!
على الرغم من انه احد الممثلين للكره السعوديه ويطمح طموح اراه بعيد المنال للصعود للدور الثاني الاسيوي .. الا انه اختار الالقاب الخاصه والتي لاتسمن ولاتغني عن تحقيق حلم يطارده في الصحو والمنام .. وترك الاهم وهو تشريف الكره السعوديه كباقي الانديه الاخرى التي ترفع الراس !!
مباراه تحصيل حاصل .. يفترض من الداهيه ان يعتبرها مباراه استعداد للمباراه الاهم والاعقد بالنسبه للهلاليين !!
تجده يلعب مباراه وكانها نهائي .. ويلعب بكامل اوراقه .. ليحقق البطوله الاهم .. ويمنع شباك المتشقلب من (الشق لبه ) !!
بطولة كسر الرقم النقطي الاتحادي .. وبطولة الحفاظ على مرماي .. وكانه يقول كما قال طيب الذكر >> ( وش يبون افتح لهم مرماي ) !!
لاهو اللي سلم .. ولا هوب اللي كسر الرقم !!
انخق خقة الشر .. واكلها بهدفين ولا اروع !!
هدف (شقلبني ) .. وهدف (يمديك عالحطه ) !!
خسر المباراه .. وخسر الرقم .. وخسر لاعبيه .. وخسر نفسه .. وفاز بالخمسه !!
انها خمسه !!
وهناك خمسة اخرى .. خمسة فرق .. الشارقه .. العين .. الوحده .. الاهلي .. والقطري اوم صلال !!
ماسر الخمسه ايها الازرق !!
خمسه هنا .. وخمسه هناك !!
اما عشقي الاصفر فيالبى .. ولبى .. ولبى ...
اي والله .. يالبى لونه الصافي .. يالبى النيه النقيه .. ويالبيه يالاسيويه ..
رغم الظلم .. ورغم الاجحاف .. ورغم التجني .. استطعت يانصري الوقوف في وجه الاتربه .. صمدت ياعشقي في وجه اللجان .. وصفعت يا عالمي كل جبان !!
هنيالك يامركز ياثالث .. فالنصر شرف مكانك ..
هنيالك ياثالث يامركز .. فالنصر سطع في جنباتك ..
من زمان لم اراك ياثالث تزهو فخرا .. من زمان ياثالث .. لم اشاهدك تطرب فرحا .. يحق لك .. فالعالمي اعاد لك الهيبه .. العالمي رجع لك قيمتك ..
ناظر المركز الاول كيف يبدو حزين .. شاهد المركز الثاني كيف يغمز لقربك ..
كلهم يحترونك .. كلهم يبونك .. كلهم فاقدينك ..
ارحم يانصر ارحم .. حقق مناهم .. سير عليهم .. القطاعه شينه يانصري .. لاتقطع دخيلك ...

************************************************** ***

خمسات >>>
# البطل المتوج بالطريقه الانجليزيه .. انهى المشوار بهزيمه مذله وخساير بالجمله على الطريقه الاتحاديه .. بعدي يا اتي !!

# الفريق البطل تجرع طعم خسارتين بنكهه عالميه موندياليه .. ياحظك يابطل .. من قدك .. مالقاها الا انت .. صدق انك بطل .. بس على غيري .. هع !!
# العمود الفقري لهم .. انكسر كسرة اليمه .. يستاهل .. دايم يسوي نفسه مصاب مع اي احتكاك .. وهالمره جت صدق .. هيا ابلش يامدرب ياذكي .. النشيط تكى .. وشكلك بتكي برا الاسيويه .. واخ ياحلم !!
# المصارع الروماني .. على باله بحلبة ملاكمه .. وخذ لك تبقيس .. وين يبو .. احمد ربك ماتفلت عليك .. كان لحقت خويك عالطورائ !!
# كبير يانور .. بحضورك يصغر الصغار .. وبغيابك العب ياف .. ( حرفين بس ) هع !!
# ياسر الهياط .. فرحان ابو الشباب بهدف مدري وش يبي .. واخرتها انخق .. وحبه كتف .. وحبه حقق حلم مؤقت بلبس فنيله موندياليه للحظات .. ويافرحه ماتمت !!
# السهلاوي الصعب اوي .. كاد ان يحقق اول لقب في اول موسم ممتاز .. هدافا للدوري .. في حين عجز الحاسر .. حتى عن الاقتراب من اول خمسه .. ويالييييل من هالخمسه !!
# كحيلان ب 20% وصل الثالث .. والموسم الجاي انشاء الله نكمل 50% ونحقق الدوري .. واللي بعده 100% وخذلك بطولات .. وسيطر سيطر يا اصفر .. منت مسيطر خلقه .. على الفريق المخقه !!
# الليث تكسرت انيابه .. واصيب في مقتل .. تقدر تتكي جنبه وتحط رجل على رجل .. مامن خوف .. فقد ادبه الاسود .. وجعلوه وجبه لمن جاع !!
# الفتح فتح نبرانه .. وقاتل للعب في الكاس .. وانتصر بثلاث طلقات اردت الاهلي قتيلا .. وش قاعد تسوي ياعنقري .. تشخص !!
# نجران .. هي خاربه خاربه .. خلينا نعميها !!
# وش تنتظر يامحرق القلب بالنار .. الغي الهبوط .. وعمد الصعود .. ترى بلاتر جايك ماشي مليون .. وماعنه وعنك .. ولاجينا للصدق .. خل عنك !!
# يومك تدس العينات .. وتفضح ناس .. وتغطي لناس .. ليه ؟ عشان يسلم .. اهو ماسلم .. لاعب مصاب .. ولاعب مطرود .. والمدرب براااا !!
# والله من الدلاخه يالسنتره .. مباراه مهمه اجل .. لاتقل اهميه .. ياشين الفلسفه ياشيخ .. مسوي فاهم .. طير ياشيخ .. خل المهمه تنفعك !!
# ردد وراي ردد .. ايش جابك من بلادك لبلادي .. تحس بشي !!
خلاص >>
خمسة عشر خمسه قسمها على ثلاثه يطلع الناتج = خمسه
يعني خمسه على خمسه .. صح علي .. هع !!