22-03-2010, 12:22 AM
|
|
|
شكرا يا اعضاء منتدى زهران على القديم والمنقول
سلام عليكم
سؤال لكل شخص يدخل المنتدى
بالله عليكم الي يدخل المنتدى وخاصه العام ما يحس بملل شديد ؟؟
مع احترامي للبعض موضوع قديم جدا وموضوع تكرر يمكن 5600 مره ويجي ينزله مره ثانيه ...
السؤال الثاني يا لي تنزل الموضوع الي نزل اكثر من مره ويمكن ماله الا كم يوم ليه تنزله وتعيده وتنقله ؟؟؟
يعني انت ما تقرا المواضيع ؟؟ انا اتوقع انه ما يقرا بس ينزل مواضيع له ويرد عليها وخلاص عشان كذا بعض المرات تجي تلقى في نفس الصفحه موضوعين
يعني والله المنتدى بصراحه لا يرقى الى متعلمي واصحاب القلم والفكر المميز من القراء
في الغالب :
إما قديم
منقول
اشاعه
مقلب غبي وضحك على بعض العقول
وتجد كل هذه المواضيع تنقل
والاكبر والامر والادهى ان الموضوع لما ينقل تجد العنوان ( اقسم بالله العظيم ويقعد يحلف الى بكره وانه كذا وكذا والقصه هذي حصلة معي وهي حقيقيه ) وتجي في الموضوع تلقاه منقووووول يعني حتى العنوان تلقاه منقوله نفسه ما غير منه شي
اليحن الي كتب الموضوع وش دراك انه من جد حتى انت تقعد تحلف وبعدين تقول منقول واثق يعني من صدق الناس
وكمان تلقى بعض المواضيع اغلبها كذب
يعني بصراحه كثير من المواضيع بدائيه جداً
فياليت الاهتمام بالكتابه من قبل الاعضاء نفسهم والمحاوله بقدر الامكان التأكد من مصدر الخبر وعدم نقل المواضيع الغير مفيده فبعض الاعضاء تلقاه اهم شي عنده ينزل موضوع ويرد عليه كثر مشاركات تراها ارقام لا تغرك بعضهم عنده خمسين مشاركه خير من خمسمئه مشاركه ولو وصلت الف والفين مالها قيمه لانها ارقام فقط القيمه في مضمون ماتكتب وترد
ملاحظه: التعميم لغة الحمقى
Amazing
ـــــــــــــــــــــــــــــــــــــ
|