البارت الثالث والعشرون
&&
&
((غًرٍيَبٌ آلليَآليَ خٌذٍَتّْ مًنْيَ غًآليَ ..
{ تّْبٌآعًدًٍ } وٍعًيَنْيَ .. رٍثْتّْ مًنْهٍَ حٍّآليَ
آنْآ مًآنْسٌّيَتّْكَ .. وٍلوٍ بٌيَدًٍيَ جًيَتّْكَ !!
وٍطُيَفْكَ تّْرٍى مًآ "يَفْآرٍقٌ " خٌِيَآليَ))
××××××
بعد شهرين
بالرياض
ماجد: يالله يا فيصل تاخرنا على الطايره
فيصل : خلاص خلصت مشينا ...
بالطريق
ماجد: كم ناوي نجلس هناك
فيصل: والله على حسب الاجتماع ..اول ما اخلص برجع
ماجد: ان شاء الله تكسب المناقصه
فيصل: والله ذي صفقه العمر وابوي موصيني عليها ...ادعيلي
ماجد: عاد البريطانين كل شيء الا الشغل يحبون الاتقان
فيصل: تعلمني فيهم ....ربك يعين ..انا لي شهر اجهز بالاوراق ..والمناقشات
ماجد: الله يوفقك
فيصل: امين
بالمدينه
ملاك: ميشووو...ماني مصدقه ...سلمت على وصايف ومحمد اللي زايرينهم
وصايف: كيفك يا ملاك ..
ملاك: الحمدلله بخير ..بس الدراسه مطلعه لي قرون
محمد: ربك يعين
وصايف: عساكي تساعديني مضاوي
ملاك: والله اني مقصره مافي وقت اساعدها
مضاوي: الحمدلله ..كاتي موجوده ..
وصايف: لو اني منك ..كان اسوي فيها مثل خاله سندرلا
ملاك: محمد ..شف زوجتك تبي تشب النار بيني وبين مضاوي
مضاوي: لا حشى والله ما اسويها
محمد: شكل يا وصوفه مافي امل نخرب بينهم
مضاوي: بسم الله علينا ...
الكل: هههههههههههههههه
ملاك: بس لا تحسدوننا ..
وصايف: من زود الحب نحسدكم
محمد: انا ادري
مضاوي: جايين عندنا بخربون بيتنا ...صدق انكم فتانين
ملاك: وبقووووووووووه
وصايف: ياويلي حاقده علينا اختك ياحمودي
ملاك ومضاوي: هههههههههههههههههههه
ملاك: حمودي ....يا دنيا اخبر ما احد عمره دلع محمد الحين حركات صاير له اسم دلع وحمودي بعد
وصايف: معقوله محمد كان بينكم ..ولا كنتم تدلعونه
ملاك: لا والله بس يالله ربي عوضه فيكي ..يا وصوفه ..
الكل: خخخخخخخخخخخخخخخخخخخخ
ببيت فارس
فارس: ابتهال .......بهلووووووووووووووول
ابتهال: بهلول بعينك ....كم مره قلت لك ما احب هالاسم
فارس: عاد انا عاجبني .. وبناديك فيه
ابتهال: حررراااااااااااام عليك .....الا ويش كنت تبي
فارس: بسك شغل ..تعالي اجلسي معي ابي اسولف معك
ابتهال : صدق انك فاضي ... بروح اكمل الكيكه اللي اسويها ....رجعت للمطبخ
فارس((الحين الكيك هاهم مني ....هييييييييييين يا ابتهال ..)) راح وراها للمطبخ ..ويشوفها منسجمه بين الدقيق والبيض والزيت ...تخلط وتكسر البيض ...جاء بجنبها
فارس: الحين تاركتني ..ولا معبرتني ...عشان كيكه
ابتهال: مشتهيه كيك ..قلت خلوني اسوي كيك
فارس: وانا مشتهي اسولف معك ..وانتي حاطتني بالاحتياط ....
ابتهال: فارس ...روح كمل فلمك خلني اخلص ..وبعدين اجي اسولف معك ...شاف الدقيق واخذ بيده ونثره عليها
ابتهال بصراخ: ويش تسوي ؟؟؟
فارس: خلي الدقيق والبيض ينفعك الحين ...اخذت كوب وملته دقيق ...وكبته على شعر وجه فارس ..جلست تضحك عليه .... لان شكله تحفه
ابتهال: هههههههههههه شكلك يجنن ...بالله روح شوفه بالمريا ذكرتني بكاسبر
فارس: كاسبر هاه ... مسك كوب المويه وكبه على وجهها
ابتهال: حراااااااااااااااااااااااااااااااااام عليك ... طيب الحين اوريك ....راحت للثلاجه ..وسحبت الكاكو اول ما شافها بالكاكو هرب ...
ابتهال: وراك وراك والزمن طويل يا فروووووووووس ....
فارس: اتحداك تلحقيني .... تركض وراه
ابتهال: لا تتحدى وربي لا اخلص العلبه كلها عليك ...
فارس يمد لها لسان :: ياحرام ...سلحفاه ...
ابتهال: طيب ..يا لبزر ...دخل الغرفه ... مافي مكان يهرب منه
فارس: ابتهال ...لولو ..حبيبتي ...قلبي ..روحي انت
ابتهال: والله ما اتركك اردها لك ..قفلت باب الغرفه وحطت المفتاح بجيبها
ابتهال: ورني ويش بتسوي الحين
فارس: والله تندمين ...
ابتهال: قلت العلبه كلها فيك يعني فيك ...ممنوع الجدل ....تحاول تمسكه لكنه اسرع منها ..مسكته مع يده
ابتهال : واخيرا ...دفته على السرير ...ومسكته زين ..
فارس: ابتهال ... لا تعدميني ...
ابتهال: قلت لك لا تناقش ... ((فارس مبسوط ..من عنادها ...
فتحت العلبه ...واخذت من الشوكولا السائله ..وحاست فيها وجهه
ابتهال: ههههههههههههههههههههههههههههههههههههههه
فارس: هين ...اخذ منها ...وحاس بعد وجهها
ابتهال: حوس زي ما تبي اهم شيء نفذت التحدي .... سمع صوت جرس الباب
فارس: كيف افتح الباب وشكلي كذا
ابتهال: قم افتح اجل اروح انا افتح ...
فارس: طيب بروح ....... راح فتح الباب ....
ملاك وعبدالله وثامر : هههههههههههههههههههههههههههههههههههههه
عبدالله ميت ضحك على شكل اخوه المبهذل : ويش فيك كذا
ثامر بصوت مقطع من الضحك : ويش مسوي للمدام اللي .... وماقدر يكمل من شكل فارس
ملاك: ههههههههههههههه مافي تفضلوا
فارس: نسيتوني حسبي الله عليكم ....حياكم
عبدالله: كيفك
فارس: تمام ..
ملاك: وين ابتهال...
فارس: بالغرفه ..... اكيد تاخذ شور
ملاك: ليش ...ويش سالفه هالدقيق والشكولاته
قام فارس يحكيهم .... وهم ميتين ضحك
عبدالله: لو مكانك ..كان خليتها تكمل الكيكه مو اخرب عليها الزم ماعلي بطني
ملاك: احمدربك احد مدلعك ويسويلك كيك
فارس: هههههههههههههه ويش اسوي احب النكد
ثامر: بس بنت خالتي ..ما ينخاف عليها ...جدعه
ملاك: ايه تعجبك ترى ....
فارس: هيه لا تتكلمون عن زوجتي ترى اغار
الكل:هههههههههههههههههههههه
عبدالله: الحمدلله والشكر تغار ..حشى ماهو بصاحي
ثامر:لا تاخذ علينا ترى بس بنشوف تغار على قولتك
ملاك: بروح اشوف ابتهال سيو .... دخلت الغرفه ودقت الباب
ابتهال: مييييييييييييييين
ملاك: ملالالالالالالالالالالالالالالالاك
ابتهال بفرح: ملووووكه ...حياك تفضلي ....
ملاك: كيفك
ابتهال: تماااااااااااااااام واخيرا ..جيتونا
ملاك: ويش اسوي ...الشحوط اللي عندي توهم فضوا
ابتهال : وخان
ملاك: والله عيب اجي لحالي توكم عرسان ...
ابتهال: يا شيخه ما احد غريب
ملاك: الا ماقلتي كيف مع اخوي الوديع ...
ابتهال تضحك: تمااااااااااااااااام
ملاك: عسى مابينكم مشاكل
ابتهال: نوووووووو متل السمنا على العسل
ملاك: منــــــــــــــــيــــــــــــح
جلسوا يسولفون مع بعض
بالمستشفى ...وبالتحديد بمكتب فراس
فراس ((خلاص انا لازم اكلم امي ... بس قبل ..اكلم مشاعل عشان تجس نبض اهلها )) ..مسك سماعه التلفون
فراس: لو سمحت ناد الممرضه مشاعل ..... خمس دقايق ... واندق الباب
فراس: تـــــــــفضل
مشاعل: مساء الخير
فراس بابتسامته الجذابه: مساء النور والسرور ...
مشاعل: خير دكتور فراس ...بغيت مني شيء <<<مسويه رسميه الاخت ))
فراس: ممكن تجلسين بسولف معك
مشاعل : سوري عند شغل .. وبعدين ما اقدر اسولف مع دكتور بالمستشفى وبمكتبه ولوحدنا
فراس: شوي شوي ... اكلتيني ... الموضوع مهم
مشاعل: تقدر تختصره ... ماني فاضيه
فراس ((عارف انها تتغلى )): داري ان ماعندك شيء ... فا اجلسي لان الموضوع يبي له ريلاكس
مشاعل: بس بسررررررعه
فراس: ابشري ماطلبتي شيء .. بس اجلسي ..ماصارت اتراجك لي ساعه .... جلست
مشاعل: تفضل قول ويش عندك ((والله لو يدري ابوي اني اكلمك غير يذبحني لا وبمكتبه ولحالنا ياسلاااااام )
فراس: مشاعل: تعرفيني انسان صريح وما احب المقدمات ..انتي احد خاطبك
مشاعل انذهلت من سؤاله انربط لسانه عن الكلام :..................
فراس: مشاعل ردي علي ...
مشاعل: وليش تسال ؟؟؟!!!!
فراس: لان بصراحه وبكل تواضع ... حاب اتقدم واخطبك ...هذا اذا ماعندك مانع ..وطبعا اهلك
مشاعل بردت اطرافها ما تدري ويش تقول تحس انها راح تدوخ من الكلام اللي سمعته .....
فراس: مشاعل معي .....؟؟!!...هزت راسها بالايجاب
فراس: ..ماسمعت ردك ... او ما سمعت حتى صوتك ... سكت شوي .... عارف انك مصدومه ..بس كلميني ردي علي
مشاعل: مدري ويش اقولك ..بس اذا قلت لاهلي انك دكتور بنفس المستشفى ونفس القسم يمكن يــــ
قاطعها : عارف ويش بتقولين بس انا ابيك تجسين نبضهم يعني ممكن يوافقون او لا .. وبعدها انا اتولى كل شيء ...
مشاعل: فراس ....انت من جدك تبيني زوجه لك .... استغرب سؤالها
فراس: ايه ... ليش تسالين هذا السؤال
مشاعل: انت متاكد
فراس: مشاعل حسستيني ..انك ماتبيني ... اذا ماتبين ما اغصبك
مشاعل: مو قصدي بس ...ويش بتقول لاهلك ...
فراس: ماعليك مني ... اهم شيء تكونين راضيه
مشاعل: اتركني افكر ... واشوف اهلي
فراس: حقك ... فكري و خذي وقتك .. وبعدها اعطيني خبر ...
بعد اسبوع
ملاك نزلت دموعها ... حست انها مشتاقه للمياء ...حست بوحده صحباتها فارقتهم ... ولمياء بديره وهي بديره .. وابتهال مشغوله مع زوجها ....دقت على جود
جود: اهلييييييييييييييييييييين ميمي ...وينك وشو اخبارك ..اشتاقلك
ملاك: وانا اكثر ياقلبي ... وحشتيني .. انتي والبنات ...
جود: طمنيني عنك ..
ملاك: الحمدلله بخير ... انتي شخبارك والبنات ..وينهم لي شهر ما ادري عنهم
جود: بخيرررر كلهم منيحين ... دريتي شوشو انخطبت
ملاك: جــــــــــــد .... متى
جود: الاسبوع اللي فات خطبها ولد عمتها
ملاك: الله يوفقها ... ولوجين
جود: امس كانت عندي مسكينه حالتها صعبه
ملاك: ليش
جود: نفسيتها متازمه شوي
ملاك: الله يعين ...وانتي ياقلبي شمسويه
جود: ولا شيء ....عايشه في الدنيا ...
سولفت معاها تقريبا ساعتين وبعدين قفلت منها وحطت راسها على المخده ...تفكر ..وتفكر ..وتفكر
ملاك: الى متى وانا كذا ... حياتي فراغ عايشه لوحدي الى متى مليت ..نفسي اصارخ ...مليييييييييت
كان ثامر واقف عند باب الغرفه وهي مو حاسه بوجوده ..ويسمعها تكلم نفسها
ثامر: ليش مليتي .... لفت له ...
ملاك: طفشت قرفانه
ثامر: ويش اللي يملئ عليك حياتك
ملاك: مدري ..... ظلت تفكر بسؤاله ...بعد فتره سكوت
ثامر: لا تفكرين انا اقولك ..من اللي يملي حياتك ..
ملاك: ميييييييييين
ثامر: زوج ... وعيال .. وعايله تنشغلين فيها ..سكتت ملاك ماردت عليه
ثامر: مو تفهمين قصدي غلط
ملاك: لاتخاف ماني فاهمك غلط ... بس النصيب ماجاء
ثامر: على قولتك النصيب ماجاء
بعد اسبوع .... ببيت ام فراس ..
ابتهال: ملاك ....بالله جيبي ... من غرفتي الكيس فيه الاغراض ... باشيل هذا
ملاك: طيب بس انتبهي مو تطيحين نبتلش
ابتهال: لاتخافين .... وهي رايحه ... لغرفه ابتهال ....
ام فراس: والله يا يمه هالبنت خايفه عليها
الجده: وبعدين معك انتي
ام فراس: البنات اللي بعمرها كلن مع زوجها وهي ماحد دق بابهم
الجده: لااله الا الله ... علامك انتي ...
ام فارس: انا خايفه عيها اول قلت لك وقلتي اصبري الحين ماعاد فيني صبر
الجده: لا تستعجلين ... وبعدين البنت مالله كاتب لها ..بتعترضين على حكمه الله
ام فراس: انا ماقلت كذا
الجده : اجل لا عاد تفتحين الموضوع
ملاك((..معقوله لهدرجه خايفين علي ... انا ما افكر مثلهم ليش يقارنوني بغيري ليش؟؟؟))رجعت عند ابتهال وماكان شيء صار ....بس اول مارجعت البيت
ملاك: الحمدلله على كل حال انا عند ابوي معززة مكرمه ويش يدريني يمكن اتزوج واحد يقلب حياتي جحيم ... رد عليها صوت من داخلها ((وفيصل ... ))
ملاك: فيـــــصل .. بس هو اكيد بيخطب غيري مستحيل يتزوج وحده تعرف عليها ((وليش مستحيل ))
ملاك تمسك راسها : اووووف ..ويش ذا التفكير لسى انا صغيره بعيش حياتي ...
بالمستشفى ...
منال: مشاعل لازم تقولين له يمكن الرجل يبي يتزوج ومستعجل
مشاعل: بس ما راح اخليه يروح لغيري
منال: الظاهر عمي سوى اللازم معك ..ضرب وضربك ..وحلفان وحلف ..والحين تقولين مايروح لغيري
مشاعل : انا احبه ..
منال: ايه تحبينه ماقلنا شيء .. بس ابوي وابوك .. لو تموتين غير عيال عمي ماتتزوجين
مشاعل: لا انا بوقف بوجههم وباخذ اللي ابيه ويبيني ..ولو يصير اللي يصير
منال: بكيفك بس حطي ببالك .. انك يمكن تاكلين اكثر من الضرب اللي انضربتيه
مشاعل: مايهمني .... جاء فراس ...
فراس: مشاعل ..لو سمحتي دقيقه .... راح للمكتب ولحقته ..
فراس: مشاعل...ومارديتي لي خبر ...
مشاعل دمعت عيونها : مدري ويش اقولك .... بـــــــس
فراس: ما وافقوا صح
مشاعل: ايه ..... وجلست تبكي ...
فراس: اهدي .... اهدي يا مشاعل
مشاعل: اهلي بيذبحوني .. يقولون اني جبت لهم العار عشانك مو من قرايبنا
فراس: لا تخافين
مشاعل: فراس خلاص دور لك وحده غيري ... والله اهلي غير يذبحونك ... او يذبحوني ...
فراس: بس ....
مشاعل: سو اللي قلت لك ..وخلاص انساني ... انــــــ ...فجاءه انفتح الباب ... بقوه فضيعه ..ودخلوا شباب بعمر العشرين ... ويسحبون منال معاهم
منال تبكي : مشـــــــــــــــاعل
مشاعل .انصدمت : مـــــــــــــــتــعب .....
متعب كانه بركان هايج: ايه ... يا فاجرة ... لوثتي سمعتنا بالتراب ...
مشاعل: انــــــــــــــــــــا .... كنـــــــــت
خالد: اسكتي ... ويش تسوين هنا بالغرفه معه ..ياحقيره
مشاعل تبكي: ولا شيء ... ولا شيء
فراس: من انتم ..... طلع متعب من جيبه مسدس ...
مشاعل : متعب ... تكفى لا تسويها ...
متعب : الموت فيه حلال .... وقفت قباله وهي الحاجز بين متعب وفراس
مشاعل: موتني قبل تموته
خالد: وبعد قدامنا
فهد: امشي معانا ..وحسابك بالبيت
وقفهم فراس ..بكلامه اللي ونبرة صوته اللي تهز اركان المستشفى هز
فراس: قبل لا تطلع انت وياه ...اسمعوا اللي عندي
خالد: ولك عين تتكلم بعد
فراس: اول شيء .. انتم اسخف ناس مروا علي ... كيف تشكون باختكم الشريفه ... اللي عايشه طول عمرها معاكم ... بس عشان قالت لكم ان واحد ناوي يخطبها ...قومتوا الدنيا
متعب: وانت ويش خصك ...
فراس: لاني انا اللي قلت لها تكلمكم واذا وافقتم باجي ومعي اهلي واخطبها منكم على سنه الله ورسوله
متعب: انت اخر واحد يتكلم سامع ...وانتي امشي يالله ....سحبوها واخذوها للبيت ..
وفراس جلس..يلوم نفسه ويحمل نفسه كل شيء ..وقرر انه يكلم امه وابوه عشان يوضح لهم صدقه
لما وصل للبيت ...كان واضح عليه الزعل ..والهم
امه: فراس ويش فيك يمه
فراس: ما فيني شيء
امه : علامك زعلان يا ولدي ..قولي ويش فيك
فراس: متضايق شوي
امه: ويش مضايقك
فراس: يمه ارجوك لا تضغطين علي ..ترى اللي فيني كافيني ....
امه: يايمه انت لازم تلقى احد يسمعك ويشاركك همومك ..ومالك الا انك تتزوج ... اللي كبرك متزوجين وعندهم عيال وانت للحين جالس عزابي
فراس: عارف يمه ..داري اني طولت الجلسه بدون زواج
امه بدى الامل ينتعش عندها: انت بس قولي بتزوج والبنت تكون عندك
فراس: حاضر يالغاليه ... ابشري واوعدك قريب ..
امه : فراس.. دام انا نتكلم بالموضوع ... انا خاطري اخطب لك بنت خالتك ملاك ...
فراس انصدم : ملااااااااااااااااااااااااااااااااااك
امه : ايه ملاك .. ويش فيها ... كامله والكامل الله جمال وعلم ودلال .. وغنج ..مانقصها شيء
فراس: انا ماقلت شيء .. بس انا ما افكر فيها
امه بعناد: اذا تبي ترضيني ... ولا ازعل واغضب عليك تتزوجها .. البنت يتيمه محتاجه من يراعها
فراس: بس عشانها يتيمه ..اتزوجها ... الله يرزقها باللي احسن مني ويقدر يسعدها
امه: فراس: ويش قلت لك انا .. اذا رضاي يهمك ... ما تتزوج الا ملاك ... وبس .. ولا تناقشني
فراس: يا يـــــــــــــــــمه
امه: هذا اللي عندي انا تركتك على راحتك ..وخليتك تاجل الزواج لكن انا اللي اختار لك البنت .. وبنت اختي ماعليها قصور مليون واحد يتمنى ظفرها
فراس: انتي قلتيها يايمه .. مليون واحد ..وانا اعزها مثل اختي ..
امه بحده: فراس ... الظاهر انت .. ما عدت توزن الامور صح ... بنت خالتك دانه .. ماتلاقي مثلها اثنين
فراس: يمه اجلي هالموضوع لوقت ثاني انا تعبان ومافيني شده لعوار الراس
امه: الحين الزواج عوار راس .... باس راس امه وراح غرفته ..وهو هلكان من التعب .. جلس على السرير ..وهو يفكر
فراس(( الحين بدل المشكله صارت مشكلتين ..امي تبيني اتزوج ملاك... وانا ابي مشاعل ... يعني لو قلت لاهلي راح يرفضون مثل اهل مشاعل ماهو رافضين ... واتزوج ملاك وانا مغصوب عليها آآآآآآخ والحل ...لازم الاقي الحل المناسب ..ارضى اهلي واتزوج اللي احبها .... )) نام بعد تفكير عميق
ام فراس ((انا وراك يافراس ... وما راح تتزوج غير بنت اختي اللي احبها .. والله ثم والله ملاك مافي زيها ..وان شاء الله ..ماحد بياخذها غيرك يافراس .. طال الزمن او قصر ))
بعد مرور الايام والاسابيع والشهور
ملاك: هلا لمووووووش تو مانورت المدينه ...وتضم لمياء
لمياء: بوجودك ... يا ملوووووكه
ملاك: يؤيؤيؤيؤيؤيؤ ويش ذي البطن يا لمياء
لمياء: خلاص تعبت ..
ملاك: هانت انتي بالشهر الاخير
لمياء: هذا اللي مصبرني ... قلت اجي اولد هنا احسن ..
ملاك: ياحبي ..هذي اسعد اوقاتنا
جات وصايف ومشاري
وصايف : سلااااااااااااااام
ملاك ولمياء: وعليكم السلام
وصايف: هلا لمووووش شخبارك ... وبدت تاخذ اخبار لمياء ..وملاك ماخذ عقلها مشاري
ملاك: يااااااااااناس يا حبي له ..يجنن
جات ابتهال وكملت الجلسه ..
ابتهال: ميشوووووووووووو ...وبسرعه اخذته وضمته وباستها
لمياء: مالت عليك ..اي والله مشاري اهم من خالتك
ابتهال: هلا هلا يالطش والرش والزين منقش
لمياء: اقول لا ترقعين سواتك ..زعلت عليك
ابتهال: اقرب جدر اصقعي راسك به
الكل: ههههههههههههههههههههههههههه
لمياء: صدق ما تستحين ...وجع .... باستها على خدها
ابتهال: لا تزعلينن يادووووووووبه ... امزح بشوف ويش تقولين
لمياء: تراني صايره حساسه ..ازعل على طول
ملاك: زعل ابو جععععععععل
لمياء: جعل الله يقرفك ... يا قرويه
الكل: واااااااااااااااااااااااااااااااو ...قرووووووووويه
وصايف: من علمك يا لمياء ..
ابتهال: وصرنا نقول ..قرويه ..والله ما انتي سهله
لمياء: توكم تدرون ...ماني هينه ...
بدت السوالف ... ومارجعوا البت الا الساعه 3 الفجر
بالرياض
ماجد: فيصل ..كلمت ابوك بالموضوع
فيصل: ايه كلمته
ماجد: ويش قال
فيصل : فرح ..وقال وين بنلقى زيك ..بس بيشاور فريده
ماجد ماصدق اللي سمعه: احلف بالله
فيصل: والله العظيم ...
بعد اسبوع ..جوا اهل ماجد وخطبوا فريده رسمي ... وقرروا ان الملكه بعد شهر
بعد ملكه فريده باسبوع اجتمعوا عائله ابو فادي ..واعمامهم بالمزرعه كالعاده
دانا: فاديا ...وين فيصل ماشفته اليوم
فاديا: والله مدري عنه ... وبعدين هو ماهو بزر عشان نعرف وين يروح وين يجي
دانا : بس حبيت اسئل لان لي فتره طويله ماشفته
فريده: صدقيني بيجي ...
دانا ((يارب ..ابي اكحل عيني بشوفته ...يقولون زايد حلاه ))
ساميه تهمس لها: لا تخافين بيجي ...
دانا: خايفه مايجي ويروح كل شيء خططناه هباء منثور
ساميه: بس لاتنسيم ويش قلنا لك انا وامال
دانا: مو ناسيه ..
الساعه 11 اجتمعوا البنات والعيال ... بالمجلس .. يسولفون .. ويلعبون
اتضايق فيصل لانه مايحب دانا ..ويحس انها مراقبته على كل شيء ..فقرر انه يقوم يتمشى بالمزرعه وبروح عند الخيال ابرك له
هزاع: على وين العزم ا نشاء الله اجلس شوي
فيصل: بروح للاسطبل بشيك على الخيول
عبدالكريم: لاتطول علينا ....راح ..وبعد دقايق لحقته دانا حس باحد وراه وعرف انها دانا ...فقرر انه يجلس على الكرسي عشان يحرجها ويشوف ويش عندها ...لانه يحس انه عندها كلام تبي تقوله
جلس على الكرسي ...وقررت دانا انها تكلمه
دانا: فيـــــــــــــــصل
فيصل: هلا ...
دانا: عادي اخذ من وقتك شوي
فيصل: ايه عادي حياك ... جلست بجنبه على الكرسي
فيصل: ويش عندك يادانا احس عندك كلام ..وتبيني اسمعه ..قولي انا اسمعك
دانا: بس حبيت اسولف وياك شوي لايكون عندك مانع
فيصل: لاماعندي مانع ...بس ادخلي بالموضوع على طول لان تعرفين ما احب اللف والدوران
دانا(( يالله اسولف معه والكلام هو يجي بالحاله)): قلت لك حبيت اسولف معك .
فيصل ((العبي على غيري يا دانا ..ماتمشي عندي هالحركات بس باشوف اخرتها وياك ): طيب انتي اخبارك ويش مسويه بالجامعه
دانا: تمام ماشيه بها .....مرت فتره سكوت قرر فيصل انه ينهي الوضع
فيصل: دنو ((اول مره يناديها بهالاسم )) اذا ماعندك شيء خليني اروح للخيول بدل الجلسه اللي مالها داعي
دانا: بصراحه ودي اقولك بس منحرجه منك .. او خايفه وتكون شكوكي بمحلها
فيصل: قولي ..ويش عندك عشان أأكد لك شكوك او انفيها
دانا: فيصل ..انا ....انا ..... انا أحبــــــــــــــــــــــــك ..... سكت فيصل لانه كان عارف من زمان
فيصل: مافي جديد عارف ... هالشيء من زمان ...انصدمت دانا ماتوقعت انه يكون عارف
دانا: كنت عارف ؟؟؟؟؟؟؟!!!!!!!!!!!!!
فيصل: ايه ... عارف بس شوفي يا دانا ... بكون صريح معاك ..وداري ان كلامي يمكن يجرحك او يكرهك فيني ...بس لازم اقولك ... انا اعتبرك زي فريده وفاديا والله يشهد اني اعزك كاخت
دانا مصدومه: اخـــــــــــــــــــــــــــت
فيصل: ايه ..بس حاولي تنظرين لي كاخ او صديق ..مو كحبيب ...
دانا وبدت تضعف شوي: ليش ما اشوك كحبيب ..انت تدري انا من متى احبك ... احبك من كنت بالمتوسط والى الان احبك .. ليش ماتقدر هالحب الكبير اللي احمله لك يافيصل .. ويش يمنعك انك تحبيني
فيصل بدون اهتمام: لان قلبي ملك لانسانه ثانيه ..
دانا: انســـــــــــــااااااااانه ثانيه ..
فيصل: ايه ...انا احب وحده ..ماعمري فكرت غير فيها ولا عمري تمنيت غيرها ...
دانا ودموعها على خدها: وتقولها بوجهي ... صدق انك عديم احساس واناني
فيصل: اجل تبيني اكذب عليك ... هذا الصدق .. انا احب وحده غيرك ..افهميني ..يادانا
دانا ماقدرت تتحمل اكثر : يا حســـــــــــاااااااااافه ...ياحسافه كل مشاعر اكنها لك ..انت ما تستاهل الحب .. ماتستاهله ... انت احقر انسان قابلته بحياتي ... وبسررعه راحت من عنده ..ودخلت غرفه ..وقفلت الباب على روحها وجلست تبكي
دانا((وليش ابكي عليه.. خلاص برميه وراي ... عمري ماندمت على شيء كثر ماندمت على حبي له صدق مايستاهل الحب ))..رجع عند الشباب والبنات ...
امال: وين دااااااااااااانا اختفت
ساميه: مدري ... وماحسوا الا بدخلو دانا اللي مبين انها طبيعيه ..ولا فيها شيء
هزاع : وين كنتي ؟
دانا: رحت البيت ...
ساميه حست ببنت عمها وصديقتها من الطفوله : تعالي بجنبي ..وجلست بجنبها الكل منشغل بالعب والتحدي والوناسه
ساميه: ويش فيك ...صاير معك شيء ..كلمتي فيصل
دانا بحقد: الله ياخذه ..عمري ماحسيت اني اكرهه كثر هالمره
ساميه: ليه شنو قالك ...؟؟؟!! وقامت تقول لساميه
ساميه: الاهبل ... قدامه دانا ويقول قلبي ملك وحده ثانيه صدق انه كمخه ..
دانا: كرهت ياساميه ودي اذبحه ... شوفي كيف ولا كانه جرحني ..الموضوع عنده ايزي
ساميه: بس انتي عجبتيني ...جيتي ولاكان شيء صار وهذا بيخليه يعرف انك مو مهتم فيه
دانا: من اليوم راح انساه ...مايستاهل ولد .... وسكتت تذكرت انها راح تسب عمها اللي تحبه وماترضى عليه المسبه
بعد كم يوم ...
ام فراس: فراس ترى بخلي ابوك يكلم ابو محمد ويخطب لك ملاك
فراس: يمه لاتظلميني وتخليني اظلمها وهي مالها ذنب
ام فراس: انا كلمت ابوك وابوك مايدني .. وغير مالك مانت بمتزوج
فراس: لااله الا الله يمه والحل ... صراح هانا ابيكم تخطبون لي ممرضه عندي بالمستشفى
امه انصدمت: ممرضه انت الدكتور الواعي تاخذ ممرضه ..وين عقلك يافراس .. ما اصدق انك فراس ولدي العاقل
فراس: يمه .. اذا بتخطبونها راح اتزوج اما غيرها لا والف لا
امه: كلامي انا وابوك هو اللي راح ينفذ.. واقولك اليوم بنكلم ابو محمد ..
فراس: طيب كلموه واخطبوا لي على كيفكم ... بس لاتقولين ليش تعذب بنت اختي معاك ... وطلع وصك الباب بقووووووووه دليل انه معصب
امه: قال ممرضه عنده ... يرفض ملاك ..وياخذ ممرضه مانقص غيرهالشيء يصير ..وراحت كلمت ابو فراس وقالت له عن كلام فراس اللي ما عجب ابوه ابد
ابو فراس: والله هالولد ..انهبل ..الا جن وقعد صار كبري ..وماهو متزوج ..والحين طالع بنغمه جديده والله ماياخذ غير بنت ابو محمد ..وانا رايح له هالحين ..
وراح ابو فراس لابو ملاك .. وخطب ملاك ..وابوها وافق بدون مايشاورها
ابومحمد: وين بنلقى مثل فراس بين الرجاجيل ..
ابو فراس: ولنا الشرف ناخذ بنتكم لولدنا
ابو محمد: الشرف لنا يابو فراس
عبدالله وثامر ومحمد كانوا حاضرين لما جاء ابو فراس وخطب ملاك .. واستغربوا من رده فعل ابوهم ..اللي يعرفون انه يحب بنته الوحيده واستغربوا اكثر انه ماشورها
عبدالله ((لازم اقول لها اكيد بتقوم الدنيا وتقعدها بس مايصير تكون مثل الاطرش بالزفه ))
دخل عليها شافها تذاكر ...
عبدالله: كيف ملوكتنا اليوم
ملاك: الحمدلله تمام تعال اجلس ....سولف معي شوي ..جلس ..وهي تعرف اخوها زين
ملاك: عبيد ويش فيك ... احس بك شيء
عبدالله: ملاك ابيك تسمعيني انا ماحبيت انك تكوننين غافله عن هذا الشيء لانه يخصك اولا واخيرا
ملاك: ويش فيك خوفتني
عبدالله: انتي اليوم .... انخطبتي لفراس ولد خالتي ...انصدمت انقلبت ملامحها صارت جامده ..
ملاك: فراااااااااااااااس
عبدالله: ايه ... والمصيبه ..ان ابوي وافق ..وما اظنه بيسال برايك ...زاد صدمتها بدون شعور جلست تبكي
ملاك: لييييييش..... لييييييييش يا يبه .. ليش حظي تعيس ...... جلست تبكي بكاء يقطع القلب
عبدالله يخفف عنها: ياحبيبتي كله قسمه ونصيب
ملاك: ماااا ابيه .. لو مابقى غيره ما ابيه ... انا غير فيصل ..ما اتزوج .... انصدم عبدالله
عبدالله: ويش دخل فيصل الحين
ملاك ودموعها على خدها : ما ابي غير فيصل .... لو ابقى طول عمري بدون زواج اهون من اني اتزوج غيره ... ما حست الا بدخول ابوها اللي كان مار مع مضاوي .. بالصدفه وسمعوا كلامها ..
دخل ابوها والشرار بعيونه ...
ابوها : ملاااااااااااك .... ويش اللي سمعته .... ارتجفت تمنت انها ماتت ولا ابوها سمع كلامها
مضاوي: تعوذ من الشيطان يابو محمد...
ابوها: ردي علي ... من ذا فيصل اللي ماتبين غيره يابنت فهد ..يابنت الاصول .. ياللي ربيتك احسن تربيه
ملاك تبكي: ...............
ابوها : ردي علي يا بنتي من ذا فيصل اللي ما تبين غيره
عبدالله: صل على محمد يا يبه ... بس ملاك ..وسكت ماقدر يكمل
ابوها وقف قدامها وصرخ عليها : ياحسافه تربيتي فيك ياحسافه ..وفراس بتتزوجينه غصب عنك رضيتي او مارضيتي سمعتي....جاتها قوه فظيعه
ملاك: ما ابيه يا يبه افهمني ..ما احبه
ابوها: اجل ويش تبين ... ليكون الزواج كيكه تختارين اللي تبين على كيفك ؟؟؟
ملاك: ايه ..كيكه بنظري وانا ما ابي غير اللي يحبني واحبه .. اعطها ابوها كف على وجهها وشدها مع شعرها
ابوها : وتقولينها بوجهي ضاع حياك يابنت لكن انا اربيك من جديد اذا ماعرفت اربيك اول مره
اخذ جوالها والاب توب وحرمها من الطلعه غير للكليه وتروح لجدتها ساعه وترجع وحلف انها ما تطلع غير لبيت زوجها حرمها من كل شيء تحبه ...حتى بيت محمد وفارس ما تروح له وحكم عليها بالزواج من فراس غصب عنها ...
بعد شهر من بدايه العقاب ... دخلت عليها مضاوي بغرفتها وشافتها تبكي تحولت سعادتها الماضيه الى جحيم اسودت الحياه بعينها تشوف الدنيا بسوداويه كرهت كل شيء ...كل ماحست انها ارتاحت صار شيء وعكر عليها حياتها لامت نفسها وحظها ودنياها اللي تزيد بعنادها
مضاوي: ملاك حبيببتي مايصير اللي تسوينه خلاص اهدي كفاك بكاء
ملاك: ليش ما ابكي .. كل شيء بحياتي يستاهل ابكي عليها عمر ما اكتملت فرحتي ليش حظي كذا يا مضاوي لييييش ؟؟! حتى الحب مالي فيه نصيب كرهت دنياي من كثر الصدمات اللي شفتها
مضاوي: ابوك طيب صدقيني بيرضى عليك بس انتي حاولي تتاسفين منه وانا بساعدك
ملاك: اتاسف وهو حتى وجهي ما يبي يشوفه
مضاوي: والله مدري ويش اقولك بس هونيها وتهون يابنت الناس
بعد اسبوع ولدت لمياء ..وزارتها ملاك مع عبدالله وما طولت كثيررر عندها
بالرياض ....
فيصل : الله يهديك يايبه ... الصفقه هذي فيها مكاسب
ابو فادي: يعني شورك ادخل بها
فيصل: هذا رايئ
ابو فادي : شورك وهداية الله ..وان شاء الله اذا كسبنا منها كل المكاسب بتروح لحسابك
فيصل: ماله داعي يايبه مالي هو مالك
ابو فادي: لا يا ولدي انت وراك زواج وبيت ومرة لازم تلم فلوسك من هالحين زيك زي اخوك
فيصل: الله يطول لنا بعمرك يالغالي حنا بلاك مانسوى شيء
نزلت فاديا
فاديا: يبه ...يببببببببببببببببببببببببببببببببببببببه
ابوها: امري .... يا فدووووووي ويش بغيتي
فاديا: ابي اسافر
ابوها : وين ...وليش تونا الاجازة ماجات
فاديا: اولا لاسبانيا ثانيا تغيير جو ...ثالثا بنتك ميته وتسافر
ابوها: لا لا تموتين روحي بس خذي احد معك
فاديا: باخذ الوالده ... وقامت وباست راسه ...الله يخليك ذخر لنا يالغالي
فيصل: انا بطلع اخذلي غفوه تعبان ... طلع غرفته وبدل ملابسه ونام ..
نفس الوقت بالمدينه
ملاك: انا اكيد غلطت بس انا ما ابي اتزوج فراس لالا ما اتخيل اتزوجه ..شلون اتزوجه لالا خلوني اشل هذي الفكره من بالي ... طيب اذا كنت انتظره متى بيجي وكيف بيجي ...آآآآآآه ياقلبي مكتوب تتعذب بدنياك ..ويش نسوي اذا حظنا نايم ...صدق اللي قال اذا مال الحظ ماله عديل ....
"ليش احس ان الدنيا في بعادك مستحيله
وان عمري بدونك مالي فيه أي حيله
حتى الهواء اللي اشمه ماله عندي أي قيمه
والدم اللي سرى في عروقي نشف في وريده
تعال وخذني معاك تراني من الوله تعبان
صدى صوتي مل من التكرار ياغلا روحي انا هيمان
هيمان في بحر حبك ولالي في البحور الوان
لوني هو حبك وهواي هو عشقك وسماي هو حضنك "
مرت الايام ...وكل من فراس وملاك معارض فكره الزواج لكن الضغوط مستمره عليهم الكل يشوفنهم مناسبين لبعض لكن هم العكس اعترضوا بمافيه الكفايه اتحدوا لكن لامن مجيب لاعتراضاتهم ...وحددوا موعد الملكه بالاسبوع الجاي
فراس (يعني خلاص يا مشاعل ماعاد بشوفك بعيني مثل اول ..وبتكون ملاك هي زوجتي اخ بس الله كريم
ملاك ((بصير ملك غيره ... ليش ليش ؟؟ والسوات يعني ارضى بفراس ... يارب يصير شيء ويفركش هالخطوبه ...اكرهه اكرهه )) كانت تبكي بغرفتها مكانها الوحيد ....دخلوا عليها عبير وريم وساره
ملاك تمسح دموعها : هلا والله ...حياكم تو ما نور البيت
ساره خافت لما شافت دموعها: ملاك علامك ليش تبكين؟؟ ..فيك شيء؟؟ تعبانه ؟؟ متضايقه ؟؟
ملاك: بس دلع بنات
عبير ما مشت عليها: ملاك من متى تبكين وجهك متورم ..اظن لك ساعه تبكين
ملاك: لا والله ...انـــ قاطعتها ريم
ريم: لا تحلفين ..وانتي تكذبين ...
ساره: قولي يمكن نساعدك ... كانت محتجه تفضفض لاحد ..لمياء مشغوله ..صديقاتها بعيدات عنها ومافي احد تشكي له همها ..واللي بقلبها تبي تصرخ لكن ما احد سامعها ... مالقت الا بنات عمها ..وقامت تشكي لهم
ريم: هذاك اللي شفناه بجده اللي قلتي يطاردك .... اومت ملاك بالايجاب ودموعها مثل السيول
عبير: من جدك يا ملااااااااااااك تتكلمين
ملاك: ايه ... انا ما ابي فراس بس ابوي معند مدري ويش اسوي ..خلاص الملكه مابقى لها غير اسبوع ماعاد في وقت ويش اسوي ؟؟؟ وكملت بكى ... ضمتها عبير اللي حست بمعاناتها
عبير: اهدي اهدي انا بحاول اكلم عمي
ملاك كانها مقروصه: لا .. لا ياعبير تكفين لا تكلمينه
عبير : خلاص خلاص ماراح اكلمه...
بعد ماحاولوا يخرجون ملاك من جو الحزن اللي هي عايشته ..ومحاولاتهم كلها فاشله رجعوا للبيت وكل تفكيرهم ببنت عمهم اللي شكت لهم بانكسار شافوا بعينها نظره الالم والانكسار والحزن ونظره يأس وكره لدنيا ..
ساره: ياقلبي عليها .. كل هذا فيها وماتكلمت ..
ريم: مسكينه ياملاك ..تكسر الخاطر حزت بخاطري كلمتها .. كل شيء حبيته فقدته ..دمعهت عيون ريم لان كلمة ملاك اثرت فيها مره
عبير: انا لازم احاول اساعدها دام قالت انه يحبها لازم نسوي شيء ...
ساره: معك حق .. لازم نساعدها بس كيف ... هذي يبيلها تفكير عميق ؟؟؟
بدوا يفكرون بطريقه .. ما تخلي فراس يتزوج ملاك .. ومضت اليله كلها تفكير × تفكير
***************************
ياترى عبير وريم وساره بيساعدون ملاك او مابيقدرون على عمهم ؟ويش بيسوون هذا المهم؟
وهل ملاك وفراس بيتزوجون ؟؟ ويوم ملكتهم ويش بيصير من مفاجاءة ؟
معقوله اهل مشاعل بيدرون عن نيه فراس للزواج من بنت خالته بعد ما وافقوا على زواجه من مشاعل ؟
كيف بيكون رد فراس لاهل مشاعل ؟؟ ومن راح يختار بنت خالته او الانسانه اللي حبها ولكن اهله معترضين عليها؟ ومعقوله يتصرف كانسان جاهل ؟؟
ملاك بتدري عن فراس وقصته مع مشاعل او بتكون لها مجهوله ؟؟ واذا درت كيف راح تواجه ابوها ؟؟ويش بتقول للمياءوابتهال يوم ملكتها ؟؟
ومعقوله ابوها يحس بالذنب تجاهها ؟؟ او بيكون له تصرف ثاني ؟؟
فيصل ..كيف بيكون موقفه من كل اللي يصير ؟ بيدري عنه او يكون بعالم ثاني ؟؟
بيوصله الخبر او ماراح يوصله ..واذا وصله ويش بيسوي ؟؟
=============
يــــتــــبـــع