[بنت الشوامس]

أخي أبو مراد أشكرك على طرحك الهادف . .

أنا أتفق معك في كل ما سبق وذكرته . .

مثل ما ذكرت اغلب المواضيع اللي تنطرح منقولة الواحد ما يجتهد ويطرح شي من مجهوده الشخصي ، طيب حتى لو ينقل ليه ما يعطي الموضوع حلاوه ثانيه من ناحية التنسيق والتعليقات
تشوفه ينسخ الموضوع مثل ما هو وهذا الشي ما يشجع الواحد إنه يرد . .

اغلب الأعضاء مثل ما قلت يميلون للأقسام الترفيهية . . طيب ليه ما نسوي مسابقات بالأقسام الثانية وتقوم الإدارة بالإعلان عنها في الرسائل الخاصة
عشان الكل يتفاعل بالأقسام الثانية ويكون فيه حماس . .

المشكلة الكبيرة إن فيه شللية بالمنتدى تشوف أكثر من شلة من الأعضاء يردون على بعض متجاهلين الباقين ، المفروض نحتوي الأعضاء الجدد ونحسسهم إنهم مرغوبين في المنتدى . .
مو نتجاهل وجودهم كلياً . .

بالإضافة في قسم الحوار مثلاً . . تكتب رد طويل تعبر فيه عن رأيك ويرد عليك صاحب الموضوع ببساطة بكلمة شكر . . هذا قسم للتحاور المفروض
صاحب الموضوع يرد على العضو إما بتأييد أو معارضة . . ما تحس بطعم الحوار في القسم
بسبب بعض الأعضاء اللي يكون غرضهم طرح الموضوع فقط . .

بإختصار فيه أعضاء غرضهم زيادة مشاركاتهم بأي طريقة

وليس الإستفادة من ما يطرح ، والرقي بهذا الصرح . .