بسم الله الرحن الرحيم
اعزائي اعضاء منتدانا الغالي
السلام عليكم ورحمة الله وبركاته واسعد الله اوقاتكم بكل خير .
فيفادول هو عنوان موضوعي ولا اعتقد أي شخص كان في المملكه العربيه السعوديه الى ويعرف ماهو الفيفادول
حكومتنا الرشيده اعزها الله ورفع شئنها بقيادة والدنا الغالي ابا متعب اطال الله في عمره تبذل كل الجهود لخدمت المواطنين وتوفير اقصى مايمكن بذله من توفير الرعايه الصحيه المتكامله والممثله في انتشار المراكز الصحيه في جميع قرى مملكتنا الحبيبه وانا اقولها وبكل صدق وامانه وشفافيه فأنا قد اكون من الناس المكثرين في التنزه في مناطق نائيه وقرى بعيده فقد وجدت مراكز صحيه لا يصل لها سوى سيارات الدفع الرباعي وهذا ان دل فأنما يدل على حرص حكومتنا الرشيده على المواطن وما يخصه
ولكن للأسف الشديد هذه المستشفيات والمراكز الصحيه الكثيره جدا لا تلقى اهتمام من قبل وزارة الصحيه فمستوى الخدمه فيها متردي جدا جدا فمن بعض الملاحضات عليها التي يعاني منها المواطنين مايلي :
1/ سوء تعامل طاقم التمريض والنضافه .. والله تعاملك الممرضه كأنك هندي في بلدها والله شي يقهر ترفع صوتها عليك وطبعاً حنا على قولتهم نبلعها ونسكت لأنك لو ماسويت كذا رح تأخرك لين ينتهي الدوام وتقولك تعال بكره خلاص دوام
وطاقم النضافه ( عاملات النضافه خاصه في الأقسام النسائيه جايبين لنا هذا الهنديات والسرلنكيات الواحده ليتها تنضف نفسها اول والله ريحتهن تشمعا وانت بعيد عناه بـ مترين ونضافه أي كلام لأنه مافيه وراها معقب وملاحض
2/ المواعيد تجي تبغى تحشي ضرسك او سنك تحصل في المستشفى دكتور واحد وبعد صلاة الفجر وانت مطابق عند المستشفى وتاخذ رقم ويطلع الرقم 38 ولا تخلص ويجي دورك الى وانت كرهة فمك كله وتدخل علا الدكتور ينضفه ويحشيه حشوه مؤقته ويقول راجعنا بعد شهرين نشيل المؤقته ونحط الحشوه الثابته ومايجي الموعد الى والضرس انقلع او انكسر ، والموضوع يهون في امر السنون بسيطه بس المسئله الأخطر في مواعيد امراض القلب او الرئه او المخ يمدي الواحد يموت باقي ماجاء موعده
3/فيفا دول حبيب الشعب السعودي . تروح المستشفى عندك صداع ( فيفادول ) تروح المستشفى فيك سخونه ( فيفا دول ) تروح المستشفى عندك كحه
( فيفا دول ) تروح المستشفى بطنك يوجعك ( فيفا دول )ماقول الى الله يعين الفيفادول علينا
اذكر لكم موضوع حصل معي قبل 8 ايام تقريبا عندي ولدي الله يحفضه عمره 5 اشهر جاته كحه رحت مستوصف قريب مني اعطوني فيفا دول استخدمته حدود 4 ايام مافيه أي فايده زادة عليه الكحه وسارة شديده جدا اخذته ورحت فيه لمستشفى خاص والله على مااقول شهيد المهم شافه دكتور الاطفال وفحص صدره وقلت له على السالفه قالي الفيفا دول للسخونه وليس للسعال الولد سار عنده حساسيه شديده في الصدر بسبب التأخير لازم نعطيه بخار مع اكسجين لمدة ثلاث ايام كل 8 ساعات المهم استمرينا ووالله لتحسن الولد من اول جلسة بخار تحسن شديد بدون أي ادويه بعد الله
4/ دكتور النساء والولاده في المستشفيات الكبيره الحكوميه دكتور وليس تكتوره !! ليش ماتكون دكتوره ايش الي يدخل تكتور رجال بين الحريم في القسم الخاص بـ النساء ليش ليش المستشفيات الخاصه طبيبة نساء وولاده وليس طبيب نساء وولاده نحن مسلمون فين الدين ؟؟
لذالك يضطر كثير من الناس وانا واحد منهم حتى ولو كان غير مقتدر مالياً الذهاب للمستشفيات الخاصه لأنه يلقى المعامله الحسنه والمواعيد التي لا تزيد عن 5 ايام والعلاج المناسب والصحيح والنضافه
في الختام اناشد وزير الصحه الدكتور : عبدالله الربيعه ان ينضر لهذه الملاحضات ويقوم بتعديلها من ضمن ماقام به من تعديلات حفظه الله واعانه على طاعته واتأسف على الأطاله والله يرعاكم
الأحمـ 07ــــدي