[صالح بن تويم]

مسااااء الخير للجميع ...

.
.

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ونتي ونة كسير(ن) بمعكاز = يون من طول العناء والمسافه
وإلا ونين اللي عن الناس منحاز= من كثر ما شاهد من الوقت عافه
للهم في قلبي مكانٍ ومركاز = يرقد وسط قلبي وصدري لحافه
وإن قلت فاز القلب والله مافاز= دام الزمن مبليه والحظ طافه
لا صار سبت علتك ناسٍ اعزاز= حب البعيد وأقرب الناس جافه
وأترك هل الكشخات وأهل الترزاز= اللي صداقتهم بصحن الكنافه
إن جيتهم حيران وأن جيت معتاز= ماشفت منهم غير ضحك وطرافه
وصاحب اللي لا بغيتاه معناز= تلقاه فالشده ووقت الضيافه
وإذا نصيته ينجزك بسرع إنجاز= وإذا طلبته ما حسب للكلافه
هذا تعلق صورته وسط برواز = وإلا الردي يبقى على الناس آفه
مثل البصير اللي ترك نهج بن باز= إن عاش وإلا مات ماهو حسافه
[/poem]