[نور الجنوب]

بسم الله الرحمن الرحيم
السلام عليكم ورحمة الله وبركاته
كيفكم يا حلوين .امس كلمتني عمتي ام زوجي عطيه قالت هيا نفلح بيت عمك دعونا .قلنا هيا .واتلبست ولبست السفان وافلحنا .ولقيت عالم قدامي مافي احد الى عزموه .حتى الاجانب عزموهم .اتمنيت الارض تنشق وتبلعني .بغيت ارجع
ايش الناس لابسين .وانا مسويه نفسي مؤدبه تنوره وبلوزه عاديه جدا وشعري كعكع .المهم سلمنى وقعدنا والناس في ازدياد .واكلم عمتي ليش ماقلتيلي على العزيمه .قالت ما ادري احسب اهليتنى قلتلها شوفي لبسي ؟قالت لا مافيكي شي حلو لبسك .المهم طفشت وولدي ماريحني فين بابا؟ابغى بابا وترني .وكرهت القعده .
طولت عليكم معليش .وانا قاعده مع الحريم والله اول مره اقعد في مجلس من كل جنس
مصاريه .وسودانيه .وسوريه .ويمنيه .اردنيه .مشكل المجلس لاكن جماعت زوجي اشكل وكلنا فاغرين في لهجتهم .لاكن ناس شياكه وجمال .ويش ذهب
وانا والله حاطه عقد في رقبتي بريالين .ما فكرت اخذ شي مره حلو لاننا اهليه عادي .شوي الى العقد يطيح قدامهم .قلت اعوذ بالله انقطع شكله عين قويه.المهم .اكلنا وشربنا من كل نوع حطته راعية البيت .ايش اكل والله مافي شي مو حلو ماشاء الله عليها ميز والله .المهم قامت بنت عم زوجي تسال المسريه قالتلها كيف سويتي ذيه المحشي مدرجات ؟قلت الله لدقارادي متعرفيش .ئومي قتلك نيله في ستين منيله .قامو الله انتي تعرفي تتكلمي .قلت امال وعجبهم هروجي خضرا وشرقيه قالو ماشاء الله عليك احناى مانعرف .يحسبوني شاطره لدقرادي هههههههههههه
الحريم يتكلمو واحنا فاغرات ماندري ايش نقول قامت جدت زوجي تضحك قلت اشبك .قالت ليش ماتتهرجون .قلت هم خلونا ماشاء الله عليهم .
بعدين الاجانب قامو يباركو للاردنيه على زواج ولدها ؟قالت الله يبارك فيكم ؟قالو من فين ؟قالت امريكيه ؟قالو مسلمه ؟قالت لا والله وجاب منها ولد الزنمي .لاكن يحاول فيها
قمت قلتلها كيف ياخذ مشركه وهو مسلم ؟قالت حبها .
قلت مايجوز ؟قالت لا يجوز ؟قلتلها والله مايجوز ؟قالت ليش تحلفي .
قامت المصريه ..رفعت ادها وئالت .يا اخت .ماتحكميش من عندك .قال فان هو مسلم فيقوز يتقوز من مشركه .
وقامو قالولي اسالي ديه اليمنيه حتقوبك لانها حافزه للقران
قالت الا يجوز .لانه في القران يقول المؤمنين للمؤمنات والمسلمين للمسلمات ...الخ
خلتني افغر .قلت في نفسي ايش دخل هذي الايه
وعارضوني حتى السودانيه .قالت انتي بتستفتي من عندك ؟
قلت لا ما افتي من عندي لاكن الرسول اللهم صلي وسلم عليه قال
لابنته زينب لايحل لكي . هو أبو العاص بن الربيع .انك تكوني معاه وهو مشرك .معنا القصه . معناها الي فهمتو ا

قالو لا المرئه اذا هي مسلمه لا يجوز تتزوج من مشرك.لاكن الرجل مسلم وهي مشركه يجوز ؟عشان يهديها للاسلام؟
وكلهم ضدي ؟واقول للبنات المغزلات الي حوليه شريفه وسعديه وشرقيه قلتلهم انتو ايش رايكم بيني وبينهم ؟قالو والله مانعلم امكن يجوز نخاف نفتي من عندنا وندخل النار ؟قلت وانتم معلمات دين ماتعلمون ؟قالو لا والله .قلت كسرو لحيكم ؟ونضرات هذولي الاجانب حسيتهم اني انا معرفش حاقه ومبفهمش اي شي في الدين واني بخرف .حسيت من نضراتهم .اما الاردنيه .حسيتها زعلت .كمان هيا فرحانه بولدها انه اخذ مشركه .انا نفسي اعرف كيف ينام معاها وهي ريحتها تنتف من مسافه .

المهم سؤالي في النقاش ؟انتم تشوفو يجوز انه يتجوز وحده مشركه .نفسي اعرف لاني حلفت انه مايجوز .ابغاكم تشوفو وتسالولي .؟
وشكرا لكم زوجت عطيه
نور الجنوب