المشاركة الأصلية كتبت بواسطة عساف
ما كذب راعي المثل ( يوم الدولة بسنة ) هذا المثل حصري لمشاريعنا المهطبلة ومعاملتنا التي في الأدراج كلتها العثة فعلا الشركات والمؤسسات و المقاولين السعوديين ماعندهم سالفة وهم في وادي والأمانة والوطنية في وادي الدواسـر ويمكن عبرت الربع الخالي ولا حد شاف ولاحد درى هالحين عندنا بالصافح الشرقي شركة الله اعلم انها صينية ( كلهم فطس ) ما سكه الأنفاق و تصريف السيول وشغاليين حتى يوم الجمعة ،، ودك بس تلمح فيهم يا بومحمد لبسهم لبس السلامة واشكالهم و حركاتهم تقول عيال رجّال واحد نشاط و حركة حتى وقت الصلاة ما يوقفون ،، وإذا انتهوا من شغلتهم بعد المغرب كل واحد مسك مكنسة وقام يكنس وينظف الشارع ....ماهم مثل ربعنا اللي انت خابر ،، فيه شغل نظيف .... اما المشاريع اللي يستلمها مقاول سعـودي فهي على ما أنت خابر سلاحف وعمالهم حلابيب مفردها حلبوب ،، تحياتي لك يا مسؤول سابق