[خطيرالملامح]

.



























.
























كل يوم نقول اليوم تحقق الاحلام

مضى عمري ولازالت الدلاخه تسكن في اعماق مخي واحاول ان ابعثرها يمين(ن) وشمال(ن) ولا كنها تأبى ان تتحرك من مكانها. جعلت مني تلك الدلاخه اضحوكه يتناقلها الجميع في ارجاء قريتنا الحبيبه واللتي وضعت لوحه
معبره عن شخصيتي عند مدخل القريه.


أقسى كلامي لك رجى
واعذب كلامك لي جرووح

هذا ما وصلت اليه بعد كل تلك السنوات اللتي عاشرت بها دلاختي المصون .
واليكم نبذه مما راق لي اثناء تجوالي انا ودلاختي في شوارع باريس







1- مرت(ن) من المراير رحت باريس اتمشى وسكنت في بيت كبير وبوه ناس واجد ولايقفل طول اليوم.
دخلت غرفتي اللي كلمهم ابوي عنها قال ياشسمه عطوه غرفه فيها مسجل وفيها تلفزيون واهم شي قناه طيور الجنه عشان اتسلى ولا اهابش فوق العالم .
جلست على الكنبات حقتهم وقدامي طاوله قزاز تصورني ووجهي يطلع فيها حتى ماشا الله مرايتهم مو زي اللي عندنا تخيلوا اللعابه اللي تجي عند الضرس اللي منطق باخر خشمي باينه وكأنها قدامي >>> ما اروعك ياتلك اللعابه


2- يوم جلست اشوف طيور الجنه بس موب زي اللي عندنا لا لا ذولاك اولادهم يمثلون ويغنون وهم مساطيل ويرطنون فرنسي حتى مره جابوا ولد يغني اغنيه عن الوطن وهو ماسك زقاره حشيش وجايبين قدامه حمام قلابي وقاعد يطيرهم بطريقه جذابه ايه وش على بالكم بزاريننا الطعوس. اللي من يوم يومه الواحد وهو ماغير يطامر فوق الزحاليق والمداريه.ويسف من ذا التراب كل ماوصل اخر الزحليقاء

3- رحت حمامهم عشان اقضي الحاجه >> يالبيه يالمثقف.
يوم دخلت حمامهم فتح فمي وحده وتبققت عيوني تسسنهم شابكيني في عمود كهربه .
وش احكي ووش اخلي يالبييه وش بلاط ووش بلالييع ووش غسالات ووش ارواب >>> عاد الروب حقهم يشتغل بالكهربه تخيلوا .؟

بعد ماخلصت الفغاره ورجع فمي تسكر تسبحت ولقيت قدامي كريمات واجد ومدري وش اختار وشوي وتصك ذيك الفكره الجهنميه اللي ماجات الا من واحد ذرب مثلي
رحت مطبخهم وخذت صحن مدور كبير وصبيت الكريمات كلها فيه وخلطهم وخلطهم ليما صاروا عشره الوان وكتيتهم على راسي وجسمي وياذيك الوصاخه نزلت مني عرفت ان شامبوهاتنا بالسعوديه ابو كللب ماش موب اصليه قال ايش كلير وصانسيللك.
المهم خذت الروب ابي اسوي زي معمر القذافي يوم يشبك الروب في الكهربه ويشتغل وحده
عاد شفت الروب ولا عرفت راسه من رجلينه ينعن ابوه يجي فيه خمس خيوط من غير الورقه اللي تجيك ملزقه في القفاه.
المهم مالكم بالطويله ولانبي ندقق لبست الروب والحمد لله عدت على خير بس اغمى علي لان وانا البسه مدري وش صار وانخنقت بالخيوط حقتهم.



4- كل مره اشوف بالتلفزيون عندنا يقولون الشانشليزيه مدري وش اشسمها قلت بروح اتكي فيها واتفرج ايه اللي يروحون مواحسن مني .
المهم امي يطول بعمرها ربي حاطت لي كيس قهوه في اكياس اللحم قالت عشان اتقهوى وشوي كسبه ومكسرات .وبسكوت هلا ابو كيس اصفر
والله واروح ساحتهم ذيك وافرش الفرش واحط الاغراض على الفرش واشوف ذولاك الناس ياكثرهم اللي مسطول واللي مع حبيبته واللي يتناقرون هو وحرمته حتى مره لقيت واحد يتناقر هو وحرمته ورحت ابي اصلح بينهم طلع ابن اللذين
لاعب(ن) عليها وكاتب في عقد الزواج مهندس وهو زبال.اخخ ياني حقدت عليه عاد حرمته قالت (( تلئني ياهيوان)) ايه بالفرنسي ذي ورد عليها وقال(( الئسمه بيدك ياهبيه)) يعني الظاهر من استنتاجي ان العصمه بيدها المهم قالت له رح ضف عفشك ورح بيت اهلك لين تعقل.
وراح وشكله بيلم عفشه ويضف وحاولت اهديها واقول يابنت الحلال مايصير هذا زوجك سترك وغطاك ومالكم غنى عن بعض .
قامت ضحكت ضحكه خبيثه على جمب ونحفت عيونها وقربت مني قالت . ((انت متزوج)) عاد انا دوروني ذا اللحضه
ماتلقوني اثاري بنت التسسسلب راسمه علي وتبي تتزوجني بس الشهاده لله ماوافقت نهائيا حتى يوم لزقت فيني وجا ذاك الشي في ذاك الشيء قصدي رجلها برجلي
شردت ورجعت البيت اللي اكتشفت اخر شي انه فندق .>> ما ابكشك يا أبي قايل(ن) لي بيت خوالك الفرنسيين ..

صابني الغثيان يوم رحت مراقصهم سكروني عيال التسسلب وشوهوا صورتي الحسناء وبدال ماصير دلخ صرت دلخ ومفهي وغبي ونعله .
رحت لميت عفشي >>> صروالين طويله+صروال رياضه ابو خط+ فنيله علاقيه حقت اخوي الكبير+ جزمه نساها العامل يوم صبغ بويه بيتنا +صوابين واشياء اخرى سرقتها من الفندق.

توجهت للمطار وركبت الطايره وانا موسوس من اللي صابني وعدت الى قريتي وانا لابس برمودا ومن الحين اقول انه ماكان صروال طويل وشقيته .

القاكم في رحله اخرى .>>>>>>> تقلع يادلخ