[شذى الريحان]

[frame="3 70"]



الغراب اللي نعق


ليت ها العين ضاقت بالحدق
قبل جدرانها بوجهك تضيق
والله اني صحيت من الأرق
راحلٍ لا مكان ولا طريق
ما سمعت الغراب اللي نعق
وين مثلي .. على مثله يفيق
منزلي في الطويل الي شهق
ومنزله قاعة الوادي السحيق
قالو الحاقد بدمك شرق
قلت ما أظنه لمدحي يطيق
كنه الشوك في ثوبي علق
يوذي الشوك ولا يقطع طريق
كثر ما الريح تعبث بالورق
وتوقد أغصانه الصفراء حريق
وكثر ما شوه العج الشفق
وقص من جيده عقود العقيق
وكثر ما صابني وأخطا التفق
لين ما أصحبت من خوفي طليق
وكثر ما نز في كفوفي العرق
من سلام على غير الصديق
اتركيني على باقي عبق
غيمة العطر من عمري العتيق
[/frame]

[frame="4 70"]

ليلي


ليلي مثل ليلك ... او همومنا غير
قلي صباحك مشرقه مع صباحي
إنت السما عندك... نجومه ... نواوير
ومن الفرح عجعج سناها ... وفاحي
وانا نجومي ... في الغداري مسامير
على السما ... دقت بكل النواحي
جاك الظلام .. وجـاك ربع ومسايـير
وجاني الظلام وكل ما احب راحي
علمي بنور الشمس ... وقت المعاذير
قال الوداع وقلت.. دربك سماحي
كان الالم.. غيثٍ فدمعي محـادير
وكان الندم سيلٍ فخدي .. بطاحي
تقول خل الهم واكفخ كما الطير
عطني سما ياخوك والوي جناحي



[/frame]