[حكــ انتظارــآية]

السلام عليكم ورحمة الله وبركاته

كيف حالكم وش علومكم ... صراحه انا عانيت من النت وعالمه ولي معاه قصص وحكايات قلت احكيكم عن بطولاتي معه ...

مقدمة الحكايه ..

اول شي ضهر في حياتي شي اسمه كمبيوتر وكان اللي يشتريه زمان يااالطيييف كنه شرا فله في سويسرا
المهم راح ابوي وجاب لنا واحد مكتبي لاخوي الكبير بس يعني للكبار بس اعتقدويندوز 98 واعتقد توه طلع المهم واحنا فرحانيين فيه كمبيوتر الله الله مانعرف طبعا وقتها الا الاتاري " ماريو " مسنترين عنده الين الفجرولما يسخن علينا المحول نروح نوديه الفريزر يبرد شوي ونرجع نواصل ياحليله ذاك الاتاري كيف له ماصاح منا ههههه ولما جاء الكمبيوتر الله شي خيال يافرحتنا به وكنا نروح عند اخيه ويورينا فيه العاب جديده وناااسه واحنا بنتشدق من الفرحه اذكر لعبه ولد يتجاوز مراحل وفيها اسئله وبنت تنطط شعرها مشنوق فوق راسها يعني سبورت ههههههه واحنا فرحانين كل واحده تلعبها تتخيل انها هي ههههه وتعالوا عاد شوفوا الدواس والماقره فوق الكمبيوتر مانفكه كل شوي دور واحد ...


المرحله الثانيه ...

بعد فتره طويله ضهرت الابتوبات ورحنا شرينا لنا واحد وتكبرنا على المكتبي صرنا نقوله الشيبه ماعاد نحبه عاجبنا الابتوب صغير ونقدر نتنقل به هههههههههه المهم وجبنا واير س وااااااااااااااو
صرنا بعد كلنا بالدور عنده انا طبعا بدايات براءه مع النت كنت احب الطبخ مرره اول ما افتح النت اروح اكتب في قوقل طريقه عمل الرز البرياني طريقه بسبوسه الطازج وكيف تثبت ريحة البهار بالرز ....... الخ كل شغلي كذ واروح اطبقه بالمطبخ فرحانه صرت طباخه ولا عرف شي بالنت غير هاذا الشي مرره اخو ي كان مسجل بمنتدى انا المندى هاذا كنت مدري عنه ماكنت اعرفه وكان اخوي مشرف للساحه الاسلاميه مره من المرار خلى الجهاز مفتوح وراح مدري فين شوي ويرجع ورحت انا الملقوفه اشوف اش في الكمبيوتر لقيته فاتح المنتدى بموضوع وانا اطالع فرحانه بالردود فرحانه والموضوع كان اسلامي حساس وكان فيه نقاش حاد ... المهم نزلت الصفحه شوي والا مكان فاضي فيه موشر شغال قلت ياربي اش هاذا وجلست اخربط بالكيبورد وشفت بالجنب ايقونه حلوه اعجبتني كذا راس اصفر وعندها ايادي تصفق فيها لفوق ومررره فرحت فيها مدري اصلا ذيك الايام وش الايقونات هاذي واخذها واكبس عليها الى ان تعبت الصفحه فيها
واكبس ارسال وتطلع الايقونات اللي تصفق وانا فرحانه فيهم وهو يصفقون اشكالهم حلوه وشوي جا اخوي
ويطالع يطالع الا والحفله اللي سويتها بموضوعه والصفقات ياكثرها ههههههههههههههه
قال الله يصيبك اش سويتي يالملعونه قلت ماسويت شي مدري ضغطت على هاذي وطلعت مدري كيف
اسوي نفسي غبيه ههههههههههههههه وبرئيه قال طيب يلله قومي انقلعي ولاعاد تمسكينه ياويلك قلت طيب ورحت ......... نكمل لكم بقيت الحكايا بكره ان شاء الله باقي المراحل كثييره
واخرها مفاجئات وتهكير وعلوم هههههه

تصبحون على خير