[حكــ انتظارــآية]

الجزء الثاني .... لان اللي قبل الاول بس بالخطا

المهم من يوم ماطردني اخوي من عند الكمبيوتر وانا افكر ياربيه اش سالفته هاذا اللي هو شغال فيه والنهار الثاني جيت للكمبيوتر وحصلت اختي جالسه عنده ونفس الحركه عند منتدى جلست جنبها وسالتها اش تسوين قالت لي ارد على المواضيع قلت اي مواضيع قالت هاذي اللي بالمنتدى قلت اهااا طيب انتي كيف تكتبينها اصلا وتنزلينها قالت عادي من انشاء موضوع قلت فينه هاذا قالت اعلى الصفحه شوفيه ومع الايام صرت لصقه جنبها القط كل شي واحيان اتضارب معاها علشان اكتب لها رد واجرب اكتب بالمنتدى هههههه المهم وصرت اكتب واشوفهم ينزلون صور واسالها كيف وتشرح لي الى ان اخذت لي خبره بالمنتدى مش ولابد.... بعدين جايت مرحلة الثنوي هاذي المرحله بحياتي مرحلة الكرف ماكنت افضى اقابل الناس من كثرة الاختبارات وصرنا بالمدرسه كننا قصور افراح بالحجز كل استاذه تسبق على اليوم اللي احنا فاضين فيه وتصكنا باختبار المهم الى ثالث ثانوي على ذا الحال كرف ولا اعرف الا البيت والمدرسه اذاكر الى ان تجي الاخبارالساعه تسعه وبعدها اتابع المسلسل اللي يجي واصلي واروح اخمد وكل يوم زي كذا تقطعت ..

المرحله الثالثه /

جايت مرحله مابعد التخرج من الثنوي ودخول الجامعه طبعا الجامعه الحين سنينها ربعها علم والباقي تفسيد بين البنات بعضهم البعض يعني كل واحده تفكر نفسها خلاص كبرت ولازم تتعلم كل شي وتقلده حتى لو كان خطا ...
المهم جانا الدكتور وقال ترسلون لي الواجبات على الايميل انا طبعا ماكنت اعرف ذا الايميل اسمع عنه فقط لاكني ماتعاملت معه قبل ولاشفته شوفوا اول جامعه ولا اعرف الايمل والحين ابتدائي وباقي مادخلو المدرسه وايميلاتهم ماتنعد من كثرها المهم رجعت البيت كالعاده الدمعه طارفه ابكي عند اهليه قلت مبغى تالجامعه اكرها بفصل هههههههه
ويوم سالتني اختي قلت لها الدكتور يقول لنا ارسوا الواجب على الايميل وانا معرفه ولازم نسلم الواجب بكره
قالت لي خلاص طيب انا عندي واحد قديم مبغاه سويته من زمان ولاقد فتحته خذيه وارسلي منه فرحت طبعا قلت طيب فينه تعالي نفتحه ونرسل الواجب ورحنا انا وياها نحوس حتى هيه ماهي قد كذيه بس ارحم مني شوي اخر شي فتحنا الايميل بعد عناء شديد وارسلت الواجب للاستاذ وافلحت رقدت مرتاحه ... ملاحضه لا انا ولا اختي نفكر ان اسم الايميل حقنا يطلع عند المرسل اليه ههههههههه وهي كانت كاتبه دحمي الدبي هههههه.. اليوم الثاني رحت للجامعه فرحانه اقول لصحباتي فتحت لي ايميل وارسلت الواجب للاستاذ قالت لي صاحبتي مبروك اليوم ارسلي لي منه علشان احفضه عندي قلت طيب ... رجعت البيت وارسلت لها النهار الثاني الا وهي تضحك قالت ايش دحمي الدبي اللي انتي كاتبته قلت فين قالت اسمك في ايميلك انا طبعا علطول راح فكري للاستاذ فشله اش اسوي ذلحين رحت البيت وغيرته ومشت الامور .....
ومرت الايام بالجامعه وكل يوم ماشاء الله اسمع من البنات اشياء معرفها واستغرب منها اسمعهم يقولوا البارح كفشتك كنتي اوف لاين قالت الثانيه والله تراني كنت اون لاين بس غيرت مبغى فلانه تشوفني متصله بس توبيكك كان مرره حلو
انا كما الاطرش عنقفا العراضه مدري اش السالفه بس اتبسم هههههههههه
بعدين سالت صاحبتي قلت اش هاذا قالت لي المسنجر قلت وشهو هاذا قالت برنامج محادثه فوريه قلت كيف وشرحت لي عاد الموضوع وقالت لي لازم تحملي البرنامج حقه بعدين تقدرين تدخلين قلت طيب احمله اليوم وادخل معاكم فرحانه من قدي بتكلم مع البنات من غير التلفون ههههههههههه
حملته والله لايعيده ذاك اليوم .........

تعبت اخلص بعدين واذا طفشتوا قولو لي اوقف