[خطيرالملامح]

مرتن من المراير وانا اداعب الطفوله بكل براءه ذهبت مع ابي الى احد اسواق الاغنام
لكي يشتري خروف يسدحه لاخواني يوم جو هذا الحكي وانا عمري 10 سنوات
المهم تعرفون بالديره هنا شياب مايفارقون المشالح لو انه بعز الحر >> الله والحر اللي هنا اصلا
ماعلينا المهم وقف ابوي ومعه اثنين شياب ويرطنون سوالف وهاتك ياذيك السوالف اللي تسم البدن عاد كل واحد ومما اعطاه الله وانا اناظر فيهم
وطفشت منهم مصخوها طاقين حنك يمكن نص ساعه وانا قاعد اتمشى حوالهم بس مو بعيد بعدها مشى ابوي وطبعا كلهم لابسين بشوت حمر واجيكم انا ووجهي وكالعاده اتلزم في بشت ابوي وهاتك امشي معه وخذنا مسافه بعيده شوي على رجولنا يمكن 100 متر وانا التفت عشان اقول يبه متى نروح البيت ويوم قلت له وانا مستغرب ليه ابوي مايناظر فيني
ويرد علي .؟؟
بعدها ناظرت فوق وطلع اللي انا ماشي معه وماسك(ن) بشته واحد من الشياب وماهو ببوي وناظر فيني وضحك ضحكه خبيثه وهو اصلا اللهم لاشماته وجهه يلوع الكبد وادق لكم ذيك البكيه متعوب عليها وهو يحاول يسكتني وكل مامسك يدي ازيد بكاء
وشوي وابوي وراي يضحك يقول خلاص تعال تعال .
عاد ذا الموقف ابوي محجر لي فيه كل مارحنا عند ناس وجات سوالف زمان سدح هالموقف وانا اغمز له يبه خلاص عاد انساه شفني عاد كبرت ومتزوج وعندي عيال متى ناوي تنسى .؟؟
وثمن يقول لي وهو يضحك والله وانا ابوك هالموقف عاد ماينسي لانه يضحكني من قلب .

عاد ابوي مانقدر نقول شي عسى الله يطول بعمره ويخلي لي امي اللي كل ماجاء يبي يتفلسف علي علمتها تتفاهم معه>> قويه الوالده
وسلامتكم