حنا جينا ولا الله جابنا !!
يالها من صدف .. يالها من عجايب !!
في كل مره اقول >> انته جيت ولا الله جابك !!
الحين اقول >> حتا جينا ولا الله جابنا !!
اتفاءل كثيرا بوجود هذا الازرق امامنا .. اشعر باننا قادرين ان نسيطر على الحوت واصطياده بسهوله !!
لكن هذا المره .. نعاني من جراح .. وننزف كل يوم كميات من اللاعبين بسبب او بدون !!
وكانهم يجهزون النصر للهلال !!
جيناك ياهلال .. جيناك وحنا نطيح ونقوم .. جيناك وايدينا على جنوبنا .. الم شديد ياخي !!
خنا اصحصح .. اصبر شوي .. خنا اخذ نفس .. فمن العدل ان تتساوي الانفاس !!
نفسين .. ثلاثه .. اربعه .. خمسه .. مافيني حيل .. ما اقددددر !!
حسين .. سهلاوي .. غالي .. دوخي .. غالب .. اوكسجينات النصر وانفاسه تغيب !!
نعنبو ابليسك .. شنو حظك !!
نعنبو شيطانك .. شنو هالشانص !!
اعترف لك .. مانقدر صراحه .. صعبه والله !!
من الحين اقولك >> مبروك النهائي يا ازرق !!
مبروك عليك الفوز مقدما .. فانت دوما محظوظ !!
محظوظ وربي .. ومدعوم لا شك !!
اما حنا .. فلك الله يانصري !!
تلقاها من مين ولا مين ولا مين !!
من الحكام .. ولا اللجان .. ولا الزمان .. ولا المكان .. ولا .. ولا !!
تكالبت عليك الظروف يانصر !!
اجتمع الكل ضدك .. حتى الوطنيه غابت .. تخلت .. توزت خلف الكرسي الدوار !!
روق يانصري .. اهدا يانصري .. لا عليك .. فانت كبيرهم .. انته عمهم .. انته سيد سيدهم !!
مشكلتك يانصر .. انك كبير .. ومن الطبيعي ان يلتم الصغار حول الكبير !!
عطهم هدايا .. خلهم يلعبون .. خلهم يستانسون !!
وخروا هناك .. اذلفوا عني .. مافيه الا انا عمكم !!
بذيتوني .. ازعجتوني .. ماني موديكم .. العبوا بالحوش .. مافيه ملاهي !!
روحوا لعمانكم .. مافيه الا انا .. اومها حاله !!
رغم ذلك .. سنقف .. سنتجاوز الصعاب .. سندمر كل من يقف في طريقنا .. الا الحظ النشب !!
شني الدبره فيك .. ياحظ !!
شنسوي بها النشبه !!
يلا ياقلبي سرينا .. ضاااقت الدنيا علينا .. الصغار وحولناااا .. والحظ .. دوبه ودوبنااا !!
والاصفر رااااح ... الاص ف ر راح !!
# ابن العم .. ياصبر الارض ياشيخ .. فلسفه ومنطق يجيب الغثيان .. الاتجاه المعاكس اجل .. تسمع بالبرامج انت .. ياسمجك بس .. محد بيدزك بشيك .. ارقد بس .. وخل عنك الترزز !!
# والله وسواها الوصل .. انحاش من الفيفا .. صدق انكم عميان وماتفكرون .. من اول مسوين فيها اقوياء وحنا على حق .. ويوم شفتوا الجد .. خقيتوا .. الشرهه مو عليكم .. على المندوب اللي فاتح ثمه .. لوني مكانه .. مافيه يافيفا .. ياثلاثه صفر .. وخلك تنظم بطوله عقبها !!
# غباء مبرح .. يتمتع به شخص ما .. شخص ابى الا يكون مندس بين الجماهير .. شايفينك يالوح .. فك اللثمه !!
# فز الخفوق وقلت .. يالله عسى خير .. يوم شفت اسمه في الرسايل .. خقيت صراحه .. يؤ .. وش عنده مرسل لي .. اثاريه اجودي .. وراعي اصول .. يالبى الجيه !!
# قوي وصارم .. بس مو علينا .. خل القريني في حاله ... اجل من رموز المملكه .. ياشين التلزق .. محد معطيك وجه غيرنا .. اقضب ارضك وارفع نفسك عن بعض الا سامي !!
# حشروه في الروم .. وعلقوه تعليق .. ياخي وشفيكم علي يااخي .. ليه كذا ياخي .. وش قلت انا ياخي .. ماتدري وش قلت يالوح مابعدك لوح .. اخيه عليك !!
# الوطنيه عندهم .. شي في كيس .. طازج يوميا .. بطريقه شرعيه .. من مزارعنا لسفرتك .. ومدوا ايديكم .. جعله هني !!
# ثمانيه لاعبين وحارس .. ازريتوا فيهم .. يا اهلي وين رايح .. هذا العالمي .. يالايمي !!
# شقوا الفنيله .. قطعوا الشعار .. انسحبوا .. كرامتي اهم .. ونت عندك كرامه يالصحاف .. هذا انت رامي عمرك في احضان العبدي .. رد كرامتك اول وتعال اهرج !!
# جوني في ذاك .. وشفيك علينا .. شكلك واسطه .. انت مدير.. انت شنو .. يالربع والله مالي في الاداره .. لوني مدير قلبت المنتدى اصفر وازرق .. واخليك ماتنفس بحرف .. حذف في حذف .. مير احمد ربك !!
# النهائي محصور بين المونديالي والمحلي .. سوري قصدي الهلال .. وااشك انه بيكون ازرق قاتم .. وياليل الليل من حظ العجوز اوم وحده وخمسين !!
# لايهمك يابو عتب .. بكره يتحسفون عليك .. الشايب وشقلبوه .. والبقيه ماعندك احد .. رح قريب ومالك الا من يجيبك .. خل المدير ينستر .. قصدي ينشتر !!
# ليه تكرموه .. ليه تهدوه .. سبب مشكله .. كفخ المعتدين .. مو انتوا ياحبايب كرمتوا المعتدين وحميتوا المشاغبين .. جت عالمسكين !!
# باسكال لاعب يفكر صح .. شال الفريق ناقص .. جيبوه .. انقلوه .. تصرفوا .. لايروح الولد .. ذباته ذبات !!
# بانت الحقايق .. وتجلت النوايا .. دورك ياريس .. بلاها خليجيه .. بلاها حبيه .. خلنا في حالنا .. ذولي مو كفو تشارك معاهم .. طقها في وجيههم وريحنا !!
شكرا
|