الضيق يسكن فالحشـى مـا سكنتـه
كني وطن واغلب مقيمينـي همـوم
ضاقت علي صدر الشمال وسجنتـه
حتي الفرح بالوقت ندفع لـه رسـوم
نيشنت سهمك ليـه يومـك طعنتـه
والعين كنها عافـت الليـل والنـوم
لين الحزن طوّق ضميـري وشفتـه
كن الحكم قمـره وحراسهـا نجـوم
فوق السحاب اطالـع اللـي لمحتـه
وأشرح همومي كيف واشكي له علوم
حزن الشعر يبكـي عليـك ونثرتـه
ودموع شعري فوق وجناتـه يحـوم
لا من نثرت الدمع جيـت ومسحتـه
حيث الدموع امطار ورموشه غيـوم
ياصاح كانك تكسـب اللـي كسبتـه
باكر يجيك الطيب ما يلحقـك لـوم
تدري وش أكثر شـي فينـي نهبتـه
قلبي ودمه وكل عرقـن لـك يقـوم
الدرب واضـح لكـن انـي سلكتـه
احسب خطاوي مشيتي واتبع القـوم
بعض القلق وشلـون فينـي كتمتـه
احاول اشرح لكـن القلـب مكتـوم
اسهر طوال الليـل كانـي ذكرتـه
وضحك وقول الحب وش فيه معدوم
الضيق يسكن بي وانـا مـا سكنتـه
كني وطن واغلب مقيمينـي همـوم ,,