سلامن ممزوجن بكسرة خميرة وشوية روب من ليلة امس...
اما بعد اقول بسم الله :
لسان الحال يقول اللهم حوالينا ولاعلينا...
الناس تقولها لاتوذت من كثر المطر ونحن نقولها اذا توذينا من قلة الخدمات....
يرحم امك ياغربة فكينا وادخلي بصلب الموضوع
طيب ابشروا.
قسم بالله ادمعت عيناي لما رأيت من تدني خدمي بمحافظات تهامة ....
يارباة وش السالفة هل نحن تابعين للدولة السعودية ام لحكومة بنغلادش ...
ياهوة شيء ماينتصدق..
معقول مستوصف يخدم اكثر من 5000 الاف نسمة مافية غير طبيب منتدب يومين بالسبوع وممرضة نيبالية حولاء تبي تطق ابرة باعضلة اليمين تصك بها في اليسار...
ياعالم وين شيوخ الغفلة اللي نايمين...
طيب ومشينا قصة النيبالية..وجينا للمختبر اللي الدم يتبرعون به الناس يوم الاحد ولايشيلونة ويدونة المخواة الا يوم الاربعاء ويقفل المختبر ويفتح السبتوتطلع النتيجة يوم الاحد قسم بالله لو صاحي مافيه ولاشي غير يطلع متسمم ...
ياحضي بس ....
خلوكم من اللي راح وتعالوا لثالثة الاثافي...
هههههههههههه معليش ودي اضحك قبل السالفة ..
تصدقون 75 من حريم قريتنا يولدون بنص الطريق اتحدة احد انولد بالبيت او بالمستشفى تدرون ليش تعالو اعلمكم
الحين الحرمة تصايح شلوها للمستاصف وجدوا النيبالية راقدة صحوها وركبت بالسيارة معهم تدرون ليش؟؟
مافي اسعاف لان الاسعاف بالورشة من عام 1421 قبل ما اتزوج صدموا به في بعير وباقي يصلحون فية..
المهم تترزز لك النيبالية قدام مع القحم وهاتك طيران بالمرة لمستشفى اللي يبعد 20 كيلو ماياصلون نص الطريق الا والصيحة العظمى وولدت المدام قصو سر الصغير ورجعو البيت...
هيا خلوكم مع اللي جاي..
ياشيخ وربي يقرصك عقرب والا حنش ولا انكوندا مالك الا بندول ومطهر وشوية بنج وحلتيت ...
طيب هين...
والحلقة القادمة عن التعليم وانتظروني بكرة
بايات ...
للعلم والاحاطة القصص اعلاة واقعية ومن صميم قريتي الوادعة باحضان تهامة..
هل ياترى السبب في من؟؟
قسم بالله اتهم الا شيوخ القبايل اللي مايطالبون بحقوقهم مثل البشر
غروبة