هاردلك نصر .. هاردلك يامجننهم .. بطل وربي بطل .. رغم الخساره المتوقعه .. الا انك اثبت للجميع .. من هو النصر .. اثبت للجميع .. انك عالمي .. ياعالمي انا .. وياعالم كل من يعشق التحدي !!
تحديت النقص يانصر .. تحديت الضعوف .. الذين استفادوا من الضروف !!
بالرديف احرجت الضعيف .. وبالاصرار ادبت الصغار !!
ياللله يانصر ..
وش سويت فيهم .. كيف قلت بهم !!
طلعتهم من طورهم .. وحطمت على رؤوسهم سورهم !!
عجزوا يوقفوا عنفوانك .. يئسوا يهزوا اركانك !!
عنفوانك اليم يانصر .. ضغطك يهد الحيل !!
وياليل الليل .. منك ياخليل !!
خليتهم يفرحون .. خليتهم ينبسطون ..
ماتنلام ياذا الخليل .. اشفيت الغليل .. وقدمت البديل !!
بدل ان تنصف .. فضلت الهلال !!
بدل ان تعدل .. اعدت الموال !!
ياهلال عزك عزنا .. موال رددته كثيرا بالامس !!
ياهلال عزك عزنا .. موال عزفته بصافرات خمس !!
أي انصاف هذا !!
شنو هالعدل ياشيخ !!
هييه ياحكم .. كم مره تسمعها !!
ماشي عداله ياحكم .. بلهجه تفهمها !!
باحوا الحكام .. انقرضوا الاوربيين .. مالقوا الا انت !!
انت .. وش انت !!
حكم فاشل .. رعديد .. مو كفو !!
حكم مرافق للهلال .. تبيهم يزعلون .. حشاك .. ياولد جلال !!
اهم شي الهلال .. والباقي ظلمه عدال !!
لالا .. ياولد جلال .. لا تسوي مع النصر هالافعال .. وراه اسود ورجال !!
اعشق المحلي .. هذا كفوك !!
شجع الازيرق .. هذا حدك !!
لكن .. لاتخطي عالاسود .. حذاري .. بتنقلب لياليك سود !!
عفوا خليل جلال .. قصدي خليل هلال .. على قولة ممدوح .. هذا خليل هلال .. ونا اقول > نعم .. خليل هلال ولد الهلال .. ابن الهلال .. مرافق الهلال .. عاشق الهلال .. وياشين الافعال ياذا الهلال !!
عفوا خليل .. فهذا القليل .. الا انت مو كفو .. الا لاقل من القليل !!
اصفر وازرق ياحبي له .. خصمه عجز مالقى حيله ..
يقول انا دوم ما اجي له .. معاه انا الفوز ماشمه ..
الهمه الهمه الهمه .. يانصر والموعد القمه ..
ذي عادتك لاا تخليها .. يهمك الفوز وتهمه ..
يانصرااااوي .. يا نصراووي ..
كبير يانصري .. عظيم يا اصفر ..
قدرت تلحق عالضعوف .. قدرت تنقز البلوف !!
تنهزم 4-0 وبهالضروف !!
لالالا .. وربي انته ماتروف !!
تجيب الاول .. ثمن الثاني .. بعده الثالث .. قربت تتعادل ..
يااااه .. يا حظهم ياناس .. فلتوا الضيوف !!
راسك ياسعد .. قبها ياريان !!
وحده بلوح .. والقبه بالقايم !!
انتفض الاسود .. فكاد ان يغرق الحوت .. من الروعه !!
روعتوهم يالربع .. فكادوا ان يكونوا على كل لسان !!
بالرديف ارتاعوا .. اجل كيف لو !!
بالاولمبي هجدوا .. اجل كيف لو !!
اااه .. يالو .. لو ااجلتي .. لو تاخرتي .. لو ماجيتي مره .. كان بشتاق لك .. خليها بعدين .. سيري عقب .. ولا انا بجيك واخذك .. بس اجليها .. مو وقتك .. والله مو وقتك !!
لو انتي غايبه .. كان علووم !!
كان هالحوت ضافينه في الشبك .. داخل الحوش !!
قافلين عليه .. لامويه ولا نفس !!
خله يموت .. خله يختنق !!
خله بالطقاق .. مو كفو ينافس .. ولا كفو ينفس !!
بنص .. نص .. النصر .. قدرنا نوقف .. امام مايسمى ببطل الدوري !!
بنص .. نص .. النصر .. قدرنا نقلص الفارق .. امام مايسمى بالهلال !!
الوعد قدام يابطل !!
الوعد قريب يادهل !!
عشان تعرف منهو النصر .. عشان تعرف انك مو كفو تفوز عالصفر !!
تبطون عظم .. وتبطون هياكل .. يالسياكل !!
اخيرا >>
هذا هو .. نص .. نص .. نصر !!
تحياتي
ضغط مبرح
# اجتمعوا على فوزه بسهوله .. على بالهم الفتح .. فتح مخك يادرج انت وياه .. انت امام العالمي .. اهجد بس !!
# قفلت معاه ابو سنتر .. ياحليله .. فايز ومتنرفز .. اجل لو انخقيت بسته .. وش بتسوي بعمرك .. بتنستر في وادي المعلق !!
# بلنتي واضح .. زيه زي اللي قبله .. مافيه الا فرق واحد .. الفنايل !!
# والله وصرت ترقص يانما .. مو منك والله .. من التعاطي .. ازروا فيك تفلح .. دفوك بابره .. عساك تنمو وتتنشط .. فينك يالجنه .. يامتنشطه .. على الاصفر بس !!
# عجزوا فيك يانصر .. في كل مره يضعون العراقيل في طريقك .. منع الدوخي .. قضية الوصل .. اتهام غالي .. طرد لاعبين .. ايقاف مدرب .. وش بقى .. تذكروا معي .. وبالاخير انت صامد .. وياجبل مايهزك جبان !!
# الظهير الطائر .. رفع العقال .. لمين ؟ للي فاز .. يعقب .. رفعها لنص نص النصر .. فديتك يااروع ظهير في العالم .. قهرتهم !!
# من هول ما رأى .. دس عمره ورا الكراسي .. واااخ ياراسي .. شنو ذي .. هذا النصر يابو كوع .. نسيته .. نذكرك .. ياما تلزخت وانسحبت على وجهك يادهل .. جاي تحلل بعد .. حل بس !!
# كاد المريب ان يقول هذاني في ذا .. يتهجم عالحكم .. على باله بنصدقه .. ياشيخ ضف في ذاك .. فضحت عمرك يامطروود .. اطلع برااااا !!
# غريبه يالشاطر حسن .. كنها بدت اخلاقك تخرب .. لايكون اثروا فيك .. حذاري .. ترانا نقدرك .. لايغرك ابو السناتر .. لوح وسلموه اداره .. ابلش عاد !!
# جاني في ذاك .. وخذلك كلام تافه مثله .. على باله باسكت .. مايمديك تنفس هنا .. جيتني في ذاك .. فعلا المخ لاتلف .. تلف !!
# اسرع ايقاف .. وابطى قرار .. ماقلتلكم لجنه مليانه جبن .. هاجده ولانفس .. أي لجنه تصدر قرارات وماتقدر تنفذ لوائحها .. قل لها .. هش بس !!
# وينكم يامدعين تنظيف الوسط .. اشبكم هجدتم .. هذا غالي ولخك على علباك انت وياه .. امشي قدامي .. امش انا اوريك .. هع !!
# مباراة الاياب .. مباراة النصر .. مباراة تاديب الصغار .. ما امدانا في شوط اول .. بنتلك في شوط ثاني .. كلها هدفين بدري .. والثالث في الطريق !!
هذي 13 ضغطه مبرحه .. من فيه شده !!
يلا شدوا حيلكم !!
سلااام
]