[نايف علي الزهراني]

السلام عليكم ورحمة الله وبركاته
وصبحكم الله بالخير
هذي قصيده نظمتها وأنا في الخوبه يوم نصرنا الله على الحوثيين
أتمنى أن تنال على رضاكم واستحسانكم

[ جــــيــــش الــســـعـوديـه ]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام الله على جيش(ن) مسيره يرهب العدوان=ينومس بالفعايل والمثايل من تعزوابه
معداته تذل المعتدي واتهدم الضلعان=ومنسوبيه يوم المعركه للدم شرابه
سلام الله عليه إعداد ماتمطر به الأمزان=سلام الله عليه إعداد ماللنار شبابه
هذا جيش السعوديه بلاد الدين والإيمان=بلاد(ن) ماتسير إلا بشرع الله وكتابه
حكمها خادم البيتين عبدالله رفيع الشان=أبو متعب عسى الله يرحم اللي للعرب جابه
عريب الجد راع المجد نبع الطيب والإحسان=عريب الخال قدره عال والأمجاد تحيابه
وسلطان السعد صان العهد للمرجله عنوان=لسانه قال صدق أفعال ماتتحق إلا به
ملوك المملكه خير الديار وخيرة الأوطان= وحنا شعبهم معهم على سهلات وإصعابه
وأنا في موقفي هذا أمثل موقف الشجعان=رجال(ن) للوفاء منهج وللعدوان حرابه
معادينا تندم وأنهزم في معركة جيزان=وضاعت حجته ما دامنا للحق طلابه
تلاعب وأبتدى في لعبته وأصبح بها خسران=يدور للعشاء لكن جاه اللي تغدابه
نصرنا الله عليه وحمله بالذل والحقران= تجيه الطايره فالجوء وامن البر دبابه
غشيم ومادرى بإنا رجال الحربوالميدان=عزايمنا وصدق إيماننا للشر غلابه
غشيم ومادرى بإنا رجال(ن) نوفي الأيمان=نبيع أراوحنا لأجل الوطن مانرخص اترابه
غشيم ومادرى بإنه كما طير(ن) بلا جنحان=من أفعال الحرار الصارمه مقطوع مخلابه
وإذا وده يعاود غلطته ويقابل الفرسان=ليا شاف الرجال المستعده يمسك أعصابه
سلام الله على جيش(ن) مسيره يرهب العدوان=سلام الله على جيش(ن) ينومس من تعزوابه
سلام الله عليه إعداد ماهلت به الأمزان=سلام الله عليه إعداد ماللنار شبابه
قصيدة شاعر(ن) مايبدع إلا نادر القيفان=على درب المشاعر بالجزاله حمل إركابه[/poem]

وسلامتكم ..