[حسين المعنى]

القـــــــــهـوه اللي ماعليها عويدي
ماهي بقـــهوه لا تقـــــــولون قهوه

لبعاد خرمت روســــــــــنا ماتفيدي
لو حط فيها البن والهــــــــيل دحوه

ماريدها وان كــــــــان غيري يريدي
شفه وكــــــيفه مالنا فيه دعــــــوه

كيفي لروحي لا لقيتــــــه يــــــزيدي
يصيبني له شــــوق لهفه ونشــــوه

اقدره واغلــــــيه وان حط بيــــــــدي
خليت ذكره للمخــــــــاليق بلـــــــوه

ادللـه تدليــــل واعطـــــيه عـــــيدي
واخذ عـــــــناه بكل رغبه ونـــــــزوه

ماهمـــــني وان عشت لجـــله وحيــــدي
مرتاح وامــــــــرار الغـــــلا دوم حلوه

لكل هوجاسـ(ن) براسي يصـــــيدي
وان كنت بين الناس فـ الجو خـــــلوه

مشاعري تشـــــفيه والا قصـــــيدي
يلبسه تلــــــبيس راحــــه وعفـــــوه

تلـــــقى شراييني وتلـــقى وريــــدي
يجــــــــري بها حبه ولا فيه فضـــــوه

مايترك اي (ن) كان يدخل وازيـــــدي
مالي عن اللي احب واعشقه سلوه

ادوره وانـــــــوره لـــــــــــو بعيـــــــدي
الين يصـــــــــــبح كل مافيه مــــــروه

هذي حـــياتي كلها له طــــــــــريدي
على اتجاهــــــــــه كل نضره وخطوه

قربه هنا عــــــمري وشين حمــــيدي
ماله شبيه ولا ممـــــاثل ولا اســـــوه

اهواه مايهــــــوى لراسي نشــــــيدي
واغــليه مايغـــــــــلون زهران قلــــــوه