[الثميدي]

جاني صاحبي علي من الجنوب
أهلاً وسهلاً ورحبت بالمحبوب

كيفك حالك يابو فلان عساك مرتاح
رديت الحمدلله بين أفراح وأتراح

المهم سواليف وقهوة وعلوم تعجبك
قلت والله ماتروح غير تأخذ واجبك

يابو فلان بالله لاتكلف على نفسك
المهم شيل وحط هو يفك وأنا أمسك

قلت قدرك يا علي عندي كبير
بس تدري بادور هرفي صغير

قال ذكرتني على طاري الغنم
تكفى بسرعة أنزل جازان وأغتنم

الرأس رخيص مايتعدى الخمسين
قلت غريبة ماسمعنا بهذا من سنين

قال صدق وإلا ماتصدق هذا العلم
قلت بالله فسر حقيقة وإلا حلم

قال باعلمك بعلوم موجعه
تصحي النائم وتقض مضجعه

قامت الحرب على حد جازان
وهرب الأهالي وحلالهم جيعان

قالوا الغنم تكفون بنشيلها في السيارات
قيل لهم حلالكم محفوظ يوصلكم بالطيارات

المهم مرت الأيام والناس تنتظر
عسى الله يفرجها وفي الحرب ننتصر

الحمد لله انتصرنا وهزمنا الحوثيين
بس الأهالي يدورون الغنم مساكين

قلت طيب وين راح حلالهم يا علي
قال ماعلمتك ياذكي بكم صار سعر الطلي

قلت معقول يسوونها ربعنا
قال صار وهذا ماهو من طبعنا


قال رسول الله صلى الله عليه وسلم (المسلم من سلم المسلمون من لسانه ويده)