البدع من بن شرقي :-
بوعيوناً(ن)كما العوام يدرج فوق ماي(ن)عذاب:
والحـواجـب عليهـا الكحـل والمكياج والخد وردي:
والشــفايف عليها الحمــره تذبح لأبتسم من شــفاه:
والثنايا كما اللـؤل المرصّــع بالـذهب والجــواهـر:
لاتبسـم تقول البــرق ينضـح من نصوب الشـمــال:
وأن تهــرج حســين اللـون كلاً يسمعه وش يقــول:
ياتفـنــن بهـــرجــه لابغا يلعــب ويضحـك علينـــا:
والبشـــــرطايحه تســمع لهـــرجه كنه المــاس لـم:
لامشـــى كنه اليعســـوب مابين النحـل في مناحـل:
وأن لبس لبسة الموضه عليه اللبس يضهـرشفوف:
لبســوها العبـايه الضيـقـه والشــيله فـوق الكتوفـي:
يضهـــرالجســـم باين كنهــا تمشــــي بليـــا لبـاس:
ياالله أني طلبتك سلمـــه من طـرف عين الحســود:
ياهـنــي الــذي يقضـــي حيــاته بيـن ظمة يــدينـه:
صــــدرها كنه الميـــدان لاصــفـت عليــه الجنـود:
يوم صفـــوا وثبتهــم عــريف الدوره يعطي التمام:
الجمال أنحصـــرمن صــدرها لمّاالمتــون النحيله:
يشــبه الخيــزران اللي تمايــل بـه هبـوب الـرياح:
باقي الفن من خصــريه إلى رأس القــدم ذا بحــنّا:
ضيع العقل مني ماقـــدرت اوصّفـــــه بأختصــار:
كل شي فيه فاق الوصف والباقي من الناس دونـه:
جل من صوره وأعطاه من كل المعاني صــفـات:
وأنا وش خصني في واحـــدٍ همــه يدورلغيـــري:
ياعســى الموت يأخــذهــا ويفقــدها حـنـان اهلها
ابو محمد هذا الرد وارجو ان تقبله بصدر رحب حيث اني لست بشاعر ولكن ارضاءً لك ومجاره 0
الرد من ابو مشعل :-
يا حياة الشقا من هجرتي ماشفت غير العذاب
انتهى العمر وانا اشاهده مابين صدره ووردي
ذكر اللي نسي ربه وقله ذكر ربي شفاه
سعد من يلتهم ربه بذكره فا الخفا والجواهر
بشره رحمة الخالق تجي بامره لذنبه شمال
وانصحه في ذي الدنيا ترى للآخره له نقول
حكمة الله في خلقه وله قدرة على الناس لم
كل عقده لها حلال وبعد للمسايل لنا حل
والبضايع في الاسواق تتسابق عليها الشفوف
والشياطين في شهر الصيام الها رباط وكتوفي
والنعم فيك يارمضان بين الخلق دايم تسود
وكل محتاج تتيسر ظروفه لين يوفي بدينه
لا اقبل الشهر بالخيرات هبت له رياح (ن ) ونود
ليلة القدر معروفه بليلة وتر بعد التمام
كل مسلم يصوم ويطلب المولى ولو قل حيله
بالتروايح والا فاالتهجد باالصلاه ارتياح
والعن ابليس لا تشكي لوسواسه تقل ذابحنا
اقر فا الخمته تلقى ماينجي فا السور القصار
سورة الناس للمخلوق حرز وتمنع الباس دونه
واقر الاخلاص فيها للكريم الحق اعظم صفات
من يراعي حدود الله في دربه يشوف النويري
جنة الخلد باذن الرب يسكنها ويحتلها
ولك التقدير والاحترام 0