وش اللي ممكن تسويه غريب غير انها تشغل لها شريط زفة اذا دخلت عليه ويكون الشريط هي عاملته في استديو بحيث بعد الزفة يطلع لهم اغنية والا انشوده على حسب التزامها
ويرقصون المحارم لهم ثم توزعون هدايا على اهله مثلا ويكون فيه تورته عليها اسمائهم وعبارة حلوة ويقطعونها مع بعض ووووشسمه وش بعد ياربي امممم
ايه .. تجيب له هدية رايقة صدقيني راح تكبر الهدية بعينه حتى لو هي ورده حمراء ، خليها تكسر العادات والتقاليد اللي بس هو يهدي لها هذاك اليوم .. حتى هي تهدي له راح يفرح فيها ويتفاخر بها قدام اهله
ويكون في طاولة بنفس الغرفة اللي بيلتقون فيها تزينها بشموع وبالتورته وتشتري لها كم حبة ورد طبيعي تنثر بتلاتها عالطاولة ... وتخلي لون مفرش الطاولة متناسق مع الوان فستانها وكذا
واذا هي تموت بالذكريات الحلوة خليها تسوي لها دفتر بسيط هي تسويه وتحطه عالطاولة يعبرون العائلة لها فيه عن فرحتهم ويكتبون لها دعوات حلوة بالتوفيق بزواجها ويختم الدفتر العريس عشان تكتشف مهارته في التعبير وهل عنده اخطاء املائية والا لأ
اختاروا احلى طفلين بالعايلة ولد وبنت ولبسوهم زين وخلوهم يرافقونها وقت زفتها له .. وبس وبسه
لو في بالي فكرة ثانية راح اسدحها هنا حالاً لأن اللي مصعب الموضوع انه بالبيت وعائلي يعني ماراح يكون فيه هذيك الفعاليات
والف مبروك لها الله يوفقها يارب .