السلام عليكم ورحمة الله ياجار
وشبك صوتك طالع مع باب الدار
هلا هلا حياك يابو فلان
شويت مشاكل مع السفان
وأنت وين رايح مع الظهرية
مسرع تقول تطردك دورية
قلت والله أنا طالع أشتري أغراض
قال باخاويك البيت كله أمراض
المهم ركبنا السيارة أنا والجار
قال باعلمك علوم كلها أسرار
ياخي حياتي الزوجية كلها هم
أطرد مع البزران والمرة ماتهتم
قلت وش قصدك ياجار فيما ذكرت
قال قصدي الحب بيننا ما له كرت
أصبح حبها لمحمد وأخته نوره
وأنا حق وصل بلوزه وجب تنوره
من أول شهر بعد الزواج
جالنا ولد وأختلف المزاج
الحب بيننا والعواطف راحة شربة
ما أشوفها إلا بورقة طلبات جاني كربة
قال بالله ما تلاحظ شيء غريب
قلت هات والله أمر اليوم عجيب
المرأة تنساك من الحب بسبب الأطفال
خذلك واحده ثانية بس ما تجيب عيال
قلت أمانا مرتاح مع أم سعيد وفرج
قال صح والدليل بغيت تكسر فالدرج
أخوكم / الثميدي