بسم الله الرحمن الرحيم
الموضوع ببساطه ان فيه ناس يحط توقيت زواجه في الشتاء
ووقت المدرسه او حتى في وقت الاختبارات
وربما كان التوقيت يوم جمعة او سبت
حاجز القصر يوم الاثنين والقصر فاضي الاربعاء ذي مزحة
ماعلينا هذا امر خاص بين أهل العريس والعروسه
حسب ظروفهم ووضعهم ان شاء الله يتزوجون في الربع الخالي
مع تحفظي على التوقيت تحس ان اصحابة مايبون احد يجي
عكس الناس اللي تضع توقيت الزواج في اجازة الصيف او الاعياد ماتحتاج كلام
يبي الكل يجي
لكن موضوعي مختلف
هناك اشخاص يشرهون عليك ذا ماحظرت زواجهم وينفخ خشمه تقول غلطت عليه وتوقيت زواجه غير مناسب
مشكله صراحه لايطلع قريبك زواجه في مدينه ثانيه مرمطه تذاكر
الموضوع بالمختصر المفيد يطرح سؤالين:-
هل يهمك توقيت الزواج؟
لماذا بعض اصحاب الزواجات يتفلسف ماحد جاني ولا بارك لي وتوقيت زواجه غير مناسب لتواجد من يهمه حضورهم 0
خالص التحيه والتقدير للجميع