[الراس الصغير]

رجوعي الى ارض الوطن بعدما كنت في كوكب عطارد

وباعلمكم وش صار معي في عطارد

يوم من الايام كنت لحالي في عطارد ومقعسن فوق حجرن وفكرت وقلت عطارد مافيه موية وش يقعدنيه هنيه
وش تا الشمس تفقع الله لمن له اسكريم وتشهويت الاسكريم وقلت لازم اني اقرر

لازم اني انزل الارض واتقاول مع افغانيه يجون معيه عطارد عشان نحفر بيرن يمكن نلاقي موية

المهم واشغل الطياره وبعد ما حميت عشقتوها في نمره ثقيلة وانطلق

وانزل الارض في الليل سرقه ماحد درا عنيه كما اللي يسترق

وسيده عند افغانية ساكنين عزبية والونش واقف عند غرفتهم

دقيت الباب على الافغانيه
الافغاني مين : قلت افتح

قال وش يبغى
قلت افتح الباب وأفهمك

فتح الباب واشوفه يتثاوب توه صاحي من النوم

قال ها اسلم وش تبغى

قلت ميده ابغاك في هرجه

قال طيب صديق قول أش فيه

قلت انا ابغاكم تجون معيه كوكب عطارد تحفرون ليه بيرن

قال وين هذا عطارد
قلت فوق
قال وين فوق
قلت ياولد الحلال فوق في السماء كوكب عطارد متعرفه والا تتغيشم

قال انت مجنون انا يروح سماء عشان يحفر بير
قلت ابتجون والا لا

قال انا يفكر

فكر فكر ودخل الغرفه وشاور رفاقته قالوا ماشي زحمه ابنجي معك فوق
قلت ها تجهزوا ذلحين خلونا نسري قبل ما يطلع الصبح

وتجهزوا واخذوا معهم الغام ( دنميت ) والونش حقهم غطوه بباغه وافلحنا
ونفرنا سوى بسم الله علينا

ووصلنا كوكب عطارد فقلت ابدوا احفروا وانا بغدي اقيل لي شويه تعبان جهدا من السفر

ورقدت وما اسمع الا صياح الافغانيه يالغم ياااااااااااااااااالغم
وصوت الحصى فوق الصندقه واقوم واسمع يااااااالغم يالغم
قلت وش معكم تصّيحون يالغم يالغم الصلاح من الله


قالوا يمكن في نفرات عشان يروح بيت

قلت ياولد الحلال مافي أحد هنيه ماهلا انا وانتم
ماهلا لاتقعد تصّيح احفروا وانتم ساكتين مزعجين من جد

فجروا الحصى بالالغام ولا تزعجوني خلوني ارقد لي ساعة زمان

واقوم بعد ساعة ولاونهم حفروا بيرن ذاك الصابه وغويرن جهدا وما اسمع الا االافغانيه يحفرون تحت ويقولون ياعمالي طال ابقاكم طرت حجلة فوق الحاكم وياعمالي طال ابقاكم طرت حجلة فوق الحاكم000متحمسين يبغون يكملون قبل المغرب ههههه


قلت ميدهم عوافي عوافي

بغدي اسوي لكم غدا واجيبه نتغداه

قالوا ماشي زحمه يا صديق

واسوي لهم خبزه ومعرقن وذاك السمن ونتزغدها داخل الصندقه

قلت ها بشروا لقيتم ماين والا بعد

قالوا بابا شكلوا مافي مويه هنا

قلت وايش يعني مافي فايده

قالوا مافي مويه ماهلا لا تتعب حالك

بعدما حفروا ولغموا الصخورماشي ماين وانه حتى الصخور شكلها ولونها غريب سوادها ماقد اشتهدت كماها

المهم قلت مافي مويه مافي قروش وهذا شرطنا باطن يوم كنا في الارض قالوا مافي مشكل صديق

وقلت ها ذلحين وش السوات مالي الا اتصل على جيراننا في كوكب الزهرة يسعفننا بمويه
وادق على رقمهم
الو الو
ردت المسؤلة عن كوكب الزهرة اميرة الاحساس وقالت : من

قلت انا الراس الصغير جاركم اللي في عطارد

قلت وش تبغى ذلحين ازعجتانا وماتخلون الناس يقيلون

قلت انا حفرت بيرن هنيه ومالقيت ولا قطرة مويه

قالت ها ايوه اسلم وش بغيت

قلت ابغى توصلون لنا مويه من عندكم

قالت وكيف نوصلها يافرخيه ( تتمذهب بيه

قلت بهوز مويه وتشغلون الدنمه حقتكم

قالت فتحّ اذنك مابقى الا هيه نوصلك ماين ماحد قلك تجي عطارد

قلت يابنت الحلال اسعفينا الله وكبر عليك

قالت معينيه 0 ماهلا لاعاد تدق علينا

قلت وانك اسمعي على الاقل هبيلنا ماين نشربه حلوقنا ناشفه من الضمى

قالت اقل معيينيييييييييييه وان زدت اتصلت اني لاشتكيك عند المركز

قلت وين المركز عنا وعنك المهم انتي تمدين لنا موية والا لا
ياشين الشحذه

وقلت ميدها اسمعي بابنت الحلال انا معي قصبتين هنيه زرعت فيها قوطه وبصلن وعلى الاقل نسقيها لاتموت واذا استوت القوطه برسل لكم هوريتين قوطه وبصلن وش قلتي

قالت ماقعدنا في حراك ماهلا قفل قفل الاتصال وتراك مقروعن لا تتصل مرة ثانيه

قلت طيب طيب دواك عندي وانا الراس الصغير
وقلت للافغانيه انتم تبغون تنزلون الارض ومعكم غنايم من الدنمات والاسلاك والغطاسات
قالوا كيف ؟

واسربهم على كوكب الزهرة قلت انتم تشوفون ذاك الكوكب
قالوا ايوه نشوفه

قلت ها افلحوا الى ثمه وتمعطوا الدنمات ولا تبقون ولا شي عندهنه واندروا بها الارض وهذي كروتكم من حفر البير

قالوا مافي مشكل ويفلحون على كوكب الزهرة في الليل ويتمعطون الاسلاك والدنمات والغطاسات من داخل الابيار وياخذون كرتون فحمات فوق البير يعني مابقوا لهنه ولا شي يستقنبه

ويندرون الارض وكلموني قالوا وصلنا الارض
وانا قاعدن جوف الصندقه اضحك على حال الجيران وقلت ذلحين فيهم عبره لا مويه ولا يقدرنه يستقينه

حتى الافغانيه زادوا خربوها دفنوا البير كيدن لهنه

وشويه جاء الاتصال من كوكب الزهرة ولا رديت كيدن

ويدقون يدقون وانا مارديت

واحطه على الصامت وارقد واقوم صبحا واشوف الاتصال اكثر من 400 اتصال من كوكب الزهره واضحك وقمت اتجهز للرحيل من كوكب عطارد خلاص معودن الارض وش اقعد له لا ماين ولا جواري وأخم ملابسيه واغراضيه والقدور واحملها فوق الطياره بعدما ركبت لها حنايا عشان العفش واشد العفش
وانطلق متجه الى الارض ورجعت الى ارض الوطن بعد رحلة تكللت بالفشل وقلت ماشي كما ارضنا منها وفيها

وها انا رجعت بعدما خسرت ثمطعش كيلو من وزني وخسرت كل ماكان عندي من املاك وعقارت ودكاكين
وكوكب الزهرة راح في ابو نكله هههههههههههه

الله عليمهنه وش ابيسوينه بدون ماء ماااااااااااااااااااااء مااااااااااااااااااااااااااااااااااااء
ابتجيكم الاخبار ونشوف حالهم

اتوقع ان حالتهنه ذلحين تزري ههههههه
ماعاد معهنه ماين ولا لنا الا نشوف الاخبار

فهذي قصة عودتي وانها تجري وتكون )