[عساف]

اقتباس: المشاركة الأصلية كتبت بواسطة محمدعبدالرحمن      وانته آضنك مقبلن معك طلبه حتى انته شنهيه شاريه مدري هاريه مدري آريه تيه وش ذب تقول انته هاه .. وش ذب تقول... انحن قهرنا في هروجكم الملوّخه يابني حسن آنا لله من الصابرين ماعد شي ولا قصايد يااااااااعساف,, أشغانا والغانا واحدن مفلولن عندك يقال له عندل الله يصبها في وجهه ويجعلها في نصده ........................... أخي الغالي عساف أشكرك على مشاعرك النبيله تقبل مني كل الود والشكر والإحترام

يا الله صباح خير اصبحنا واصبح الملك لله
ما نصبح إلا على طلبه ... و دواسكم ياذلا الشيبان
يا الله كبرن بهدا ،،،
و ياحليل من توزيه الدنيا ويبيع لكم قطعة و إلا وسفه
و اظنة لو يبيع لكم حلسن ما سلم من العيرة والضحكة ،
وأنت يا محمد امن عبدالرحمن لا تصيح فوق راسي وتتهددني تقول اني من اصغر سفانك وإلا عطوين عند جدك ... صحيح اني اصنق لكني اسمع لآبغيت اسمع ،
وكم نهيتوك عن تحقال الهروج .... و لكنها سالفة الرجّال ذاك ... يوم مقطووه الرجاجيل ... قالو والله لو انك ابن عميه لا أخشر جنوبك !
و الله اني اشره عليك من بدهم ... قرابة وابن خال " يا قرابة الشياطين !!

وأنت مابك كلمة شـارية ولكن باقي معك حنة وضيقة في صدرك
من يوم طالبناكم بحصة الكهلة وخذنا معك في ذيك المعاوضة ... الله لا يعيدها والله ما جني منها غير التعب و القباحة من اخوتيه قبل الناس ( البيت بيت غزلة اعرقوا لإخوالهم )
صورة
تخيلوا محمد امن عبدالرحمن و انا سوف اتخيل وهو يهددني ويرفع صوته عليه في مجلس كبير فيه من اللحى و الشوارب صديق وعدو
وفي يده خيزرانة غليظة وقدامه زولية ايرانيه من امهات الشعران الطويلة وفيها من الأتربة الشيئ الكثير ومحمد من غضبة وضيقته كل ما قال كلمتين هبد الزولية بالخيزرانه شط .... شط شط ،

وانا قاعدن في اخر المجلس معي باكورة و لابس ثوبين والشراريب مشكلة تقول عيال شيعية ما واحدن يشبه الثاني .. وأصنق و العمامة من وراء الأذن ... وودي اتفرعه بالباكورة ولكن قدام الناس صعبة ... و بعد واحد من سفانه معه نشقه عندنا في بنتن معنا تجوزن خواتها وهي باقي ... والله يا خلقتها انها حلاه كما ابوها عساف هههه ولكن النصيب ... )


أخي محمد بن عبدالرحمن تقبل خالص الأخوة و التقدير والإعجاب


وكذلك عندل و سحاب و سعيد بن سالم وبن سعدي وكل امهات المفارد والحجول "