الرجال
آه يا حزني علينا يالرجال=حزن مدري كيف اقوله واكتبه
ادري إنا للصعاب وللثقال = وادري إنا زايدين بمرتبه
وادري إنا مثلما هذي الجبال= لو ماهو حنا تميد الاتربه
لكن اللي ودي إنه ما يقال= واللي احاربه جهدي واشجبه
إن بعض اهل المعالي والجلال= ينصرون اللي بودي نغلبه
ياجماعه ذا حرام وذا حلال = وذاك عيب وذا لز,م(ن) نرهبه
وش نسوي بالشماغ وبالعقال = طالما الرجال باسمه وشنبه
وكيف ندعي للجهاد وللقتال = وبعض خلق الله ظله يرعبه
ياجماعه كل شي(ن) له مجال = وكل شي لاصله لزوم(ن)ننسبه
والحقيقه ذا زمان الانحلال = كل شي(ن) فيه ماعد ارغبه
طالما الرجال يبحث للدلال = والمره تبغى حمار(ن) تركبه
خالد رجب
التعديل الأخير تم بواسطة صالح بن فارس ; 03-11-2007 الساعة 09:54 AM.
|