[بحر القوافي]

[align=CENTER][tabletext="width:70%;background-image:url('http://www.zahran.org/vb/backgrounds/21.gif');"][cell="filter:;"][align=center]
ليلة شتاء والبرد جامد صقيعه:
كل(ن) مع خله يبي جو دافي:
ضاقة بعيني ارض الرياض الوسيعه:
من الهموم الجايره يا ابن لافي:
اسبابها خل(ن) نوى بالقطيعه:
ناكر وصال الحب لا الود نافي:
توه صغير وفي بداية ربيعه:
والعالم الله بالعلوم الخوافي:
الحب هدام القلوب الوليعه:
اشقى حيات اهل المحبه يكافي:
زود عذابي ريم حي البديعه:
ليته يخليها ستاروعوافي:
وان باعنا لوكان غالي نبيعه:
بعض الولايف ما عليهم حسافي:


الشاعر/سوقان الزهراني
[/align][/cell][/tabletext][/align]