[الوسم]

اخواني القراء الكرام الله يصبحكم او يمسيكم بالخير
عندي موضوع ومعاناة ولا ادري وين احطها ( في المنتدى العام والا في القصص والا في الترفيه والا في التعازي
والا في الرياضة والا اوديه لجمعيات حقوق الحيوان في امريكا 000معرفش ّ!!!!والافي 000اعزكم الله
المهم اليوم مريت على اصحاب الطوب الاحمر وكل يوم يرفعون مية ريال الى مية وخمسين
المهم هل نجد الطلبية 000ماعلينا وصل السعر الى 3000ريال وقال لي واحد من الباعة حنرفعه الى 3500ريال
وبعدين من المكاسب نخفض شي بسيط ونكسب الناس00وبالواسطة دبرت لي الفين بسعر الالف 3000ريال
الحكاية لما قصيت الفاتورة واخذالثمن قلت بحرقة وليتني سكت 000ليش الزيادات ذي يعني حنا بقر
احلب وكل لحمها وارمي عظامها وين الدولة وين التجارة وين حماية الحرامية وين حقوق البقر
ضحك سوداني قال ليه ياخي سرتو بقررررر!!!
قلت هم يعاملونا كذلك !! قال والله دولا ناس طيبين اللي بيعاملوكم بقررررر!!!
قلت ليش (000السوداني ضخم وانا مااقدر ازودها معاه للفروق الفرديه والجسمية)
قال ياخي البقرة لما بيزبحوها ماتستسلم بتصيح وبترفس وتعمل حركات 00اخر شي بتبول وتحرك زيلها على اللي بيمسكها للسكين !!!
بس انتو ماتصدقوا بالسكين مابتتحركوا مسل الغنم الاسترالية مايصدق ان الجزار مسك بيه وبيزبحوه
خالص مابيتحرك وكانوا هو اللي بينادي على الزول !!!
ضحكت وقلت والله انك صادق فالسكين ارحم له من ركوب الباخرة ومعاناته مرة ثانية
بالله عليكم الى متى نذبح والدولة تتفرج علينا
ماباقي الا نقول هذي خطة امريكية يامجلس الشورى وش دووووررررك
ويا 000ويا0000ويا000000
(( وان صحت قالوا الحق المجنون شقق ثيابه ))
=========
الوسم