[نسيت انساه]

معاناة معلمة الصفوف المبكرة ........!!!! من الخيال ...

بكيت الين البكاء عافني.... قالوا قرار ياتهاني ونفذي

قلت ابشروا من سلكت دروب التعليم وأنا معرف إلا أبشر وحاضر !!

قالوا التعليم أمانه في عنقك و بيحاسبك ربك قبل سيدك...

قلت :أنا لها بس خلوا التعليم تعليم ماهو خذ وهات

طلعوا لي بالتعليم المرئي قلت على عيني وراسي ....

قالوا: يا تهاني لاتدخلي درسك الا ببروجكتر ووضحي الدرس من خلاله وفسري

المعاني ..!!

قلت : لهم والحروف من يرسمها ومن يحفظها ومن يخطها ومن يراجعها وكم تلميذة

تحتاج وقت للفهم؟؟

قالوا : يااااااااااااااه خلي عنك التفلسف إحنا تطورنا جيبي معاك اللابتوب واعرضي

درسك وآدائك الوظيفي مية بالمية التقويم المستمر يحل هالمشاكل العادية !! ((نجاح

نجاح مؤكد))

قلنا خلاص أمرنا لله مالنا غير السمع والطاعة !! " في غير معصية الخالق ...

واليوم قالوا : تهاني قلت هلا بصوت المعالي (( قرار وزاري ))

آآآمر سيدي يالبيه ...

قال : بتدرسين ولد وبنت !!

قلت :هاااااااااااه

البنت وتعبنا ويا الله يالله تناقز من الأبواب والدرايش وفي الحمامات تخايس ودخان

وإعجاب واختلفت الملة وتزيدون الطين بلة وتقولون يله !!

يا راسك يا تهاني شبت قبل الأواني ابكي وإلا اضحك يله فهموني ؟؟؟

بنت وولد اقضي عمري اربي فيهم وأطارد ونقضي اليوم الدراسي ملاحق

أبكي يا تهاني وهلي الدمع هلي مالك غير ربك رب الموالي في السماء عالي يستجيب

الدعائي ..

أفرق بينهم في المناضد وإلا أنهاهم عن الحرام والمفاسد والسياسة تقول عودوهم على

التخالط ؟؟!!

يا ربك يا تهاني الولد مع البنت أحضان وود وصداقة وش أسوي بعمري كيف افهّم

ياسمين وخالد إن اللي يسوونه ما هو من العوايد ؟؟

قلت لياسمين لا تجلسي مع خالد تعالي هنا لحالك ..

قالت : يوووووووووه كل شيء مباح تحرمونه علينا ؟؟؟

الحكومة قالت تعليم واحد ما قالت كل واحد لحاله فكونا بس هذا صديقي وتعلمت اليوم

معنى الصداقة بالله وخري يا ابله تهاني لا أشكك بشكوى ما تشوفين ربك بعدها مناكد

حياتك يا أبله تهاني في مناكد!!!

أبكي يا تهاني وهلي الدمع هلي ...!!!

وهناك فيصل مع غندورة وش تسوين انتي وياه ؟؟....يأكلني حلاوة عشان أترك ياسر

واصادقه يا أبله تهاني دليني منو اختاره لاني بينهم محتارة ؟؟!!

يا راسك يا تهاني هلي الدمع هلي..

وانتِ يا رغد وشجابك عند فهد ألعب معاه وأقول له اني احبه بس يا ابلى تهاني حب في الله !!!

حتى انتِ تعرفين أنواع الحب ياليتني مت وماعرفت هالسياسة عن قرب ...

وإنت يا وليد وشفيك تطارد عبير أبي أرقمها يا ابلى بس هذي هبلى ما تفهم شنو ترقيم

وما تعرف تتسلى !!

أبكي يا تهاني ابكي وهلي الدمع هلي ..

وأنت يابتال وشتسوي مع لين أغازلها يا أبله زي خالي محمد يغازل البنات في السوق

ويقول ياحلو بس يا حبيبي هذا ما هو زين ...

أقول وخري هناك إحنا أصحاب اكلمها كل يوم وترسلي رسائل شوفيها ورجاء يا ابله

تهاني لا تقولي حبيبي ماني صغير أنا رجال !!!

وهي تعرف تكتب حرفين على بعض عشان تراسلك ... وش ذا الكلام وذا القرار طار

عقلي من هول الزمان ماعاد فيه ورعان ولا صغار ...

وإنت يا مطلق وشفيك منزوي مع عاتق ماتقوم تجاوب وخارج الفصل ماتلعب يا أستاذه

عيب نجلس مع البنات حنا رجال ليش يحطونا بمدارس حريم مالنا ومال الحريم تبونا

نسلك مسالك علوم الرجال وتدرسُنا مع البنات أجل لاتقولوا بعد بكرة خكري ؟؟

والله صدق لسانك يا مطلق أنت أنرت فكري ما هو التعليم اللي بينلغي أنا اللي بترك

دروب الخياسة من بدري !!

وأقدم استقالة لأصحاب المعالي وأقول يا تهاني هلي الدمع هلي على بلادك وأولاد بلادك وباناتها
كنتِ فووق يابلادي
والله ما أشارك في الفساد لوعلى رقبتي والتعليم في الصغر كالنقش على الحجر عودوهم

الصداقة وقولوا حل الفساد في البلاد وقولوا ليش يجينا زلازل وسيول وليش تنتشر

الأمراض كله من أعمالكم يا أرباب البلاد خافوا ربكم قبل العباد (( الإختلاط

قرارأمريكي )) ما يقطع الرقاب إلا خالق الرقاب ...

كان التعليم تعليم قبل القرارات الغاشمة التي هدمت صروح المعالي وأطفأت مصابيح

العلم المثالي ...


مع خالص حبي ودي ابنة الوطن تهاني الزهراني !!


(( مع اعتذاري للمبالغة في التصوير لكن ربما هناك أشياء قد تحصل دون الإنتباه لها ))

بقلمي (( مشاركة عالطاير )) نسيت انساه ,,, 16/6/1431هـ





والسلام عليكم ورحمة الله وبركاته ....