[أبو ليان]

فيه موقف لواحد من الشباب ذكره لي بنفسه ...
بس يمكن ما اقدر اصوره لكم بشكله المحرج
يقول رحت المطار بسيارتي لاستقبال واحد
المهم ما خلاني العسكري أوقف مقابل الصالة
ومن الربكة وتسارع الوقت ذهبت بالسيارة لأوقف في مواقف المطار
عاد معروف المواقف بفلوس ولازم تسحب بطاقة او رقم حتى ترتفع الخشبة وتدخل
لكن صاحبنا مرتبك جدا ووقف مقابل الخشبة المطروحة والناس سرا وراه وهو يستغرب وجود الخشبة
وقام يدق بوري يبغى احد يرفع الخشبة ما فيه فائدة ( متخيلين الوضع )
وفي الأخير قام نزل بنفسه يرفع الخشبة ما ترتفع والناس يصيحون فيه اسحب ورقة اسحب الكرت يا شيخ
يقول تذكرت وعرفت اني في موقف لا أحسد عليه... ويبدو ما عنده فلوس ( الله أعلم )
قام طبلها وقال للي وراه ارجع ارجع ..
وقام يرجع سرا السيارات اللي وراه حتى عاد لمواقف الصالة من جديد
واذا بأخيه نازل اليه وانطلقوا وهو غارق في عرقه وحرجه