[العرنين]

السلام عليكم ورحمة الله وبركاته
قووووووووه
اش حالكم
ينطيجم العافيه وفالكم المليون
( كل المقدمه عشان يقول لكم انه يتكلم لغات )
.
انتبهوا يا الربع ترى الموضوع خطير ، وسووه اليهود والنصارى والكفار
عشان يغزوننا ويخربون افكارنا ويهدمون عادتنا ومعتقداتنا

ترى انا حذرتكم وانتم بكيفكم
يقولون ان الدي اس ال خطير ويسبب اشعاعات نوويه مع الوقت تخلي الواحد
يصير يحس انه امريكي
مثل الدش زمان كان يخلي الواحد يحس انه فرنسي
ومثل الجوال ابو كميرا اللي دمر حياتنا وخلانا نعيش مرعوبين ونمنع استيراده
و مثل البلوتوث اللي خرب حياتنا ،، ايه يا زين الحياه بدون بلوتوث
الله يرحم ايام زمان ما كان فيها بلوتوث يخرب شبابنا
.
ويقولون ان فيه تقنيه جديده اسمها البلو ري هذي اخطر من البلوتوث
تخليك ترسل الى مسافة 170 متر وسيدي واحد يقدر يخزن لك 5 سيديات دي في دي
يا للهول يا للهول يا للهول
قبح الله الغرب واليهود ، ما لهم هم الا يسوون اي شي يخربون المسلمين فيه
هم اللي اخترعوا البرقيه زماااااااااااااااااااااان وهي نوع من انواع السحر ( ترى السالفه صدق )
وهم اللي جابوا الرادو والتلفزيون
وش يبغون منا ، ليش ما يخلوننا في حالنا ، لازم الا يخربوننا
احسن شي نبني علينا سور من كل الجهات ونغطيه بعشرين كيلوامتر سقف
عشان ما يخترقوننا ويغيرون عاداتنا وتقاليدنا
وليعلم هؤلاء الكفره ان هناك قناصة الدشوش ومحاربي جوال الكميرا وصائدي البلوتوث
ومغاوير النت ، لهم بالمرصاد
كما كانوا من قبل بالمرصاد لتعليم البنات
.
وكل تقنيه او اختراع ونحن مرعوبين