[صالح بن فارس]

بسم الله الرحمن الرحيم

من الأرشيف وللمرة الأولى ترى النور ..

ريم .. وش ذكر الأسامي بعد ريم !
................... ذيك ياللي ضيعت كل البنات
كنها الصبح الندي عانق سديم
..................... وكني الولهان عيا لا يبات
ظبية ٍ تسرح بالأفكار وتهيم
................تنثر أشواقي وتجمعها شتات
ضحكها كنه مهبات النسيم
.............. والحكي ينزان من هاك الشفات
ليلها سهران يضوي للعتيم
................... وصبحها ينساب دجله والفرات
كنها البدر الذي سامر نديم
.................... تقتسم وياه أحلى الذكريات
لو يعانق رمشها جو ٍ مغيم
................. فج نور الشمس من تحت العباة
لا طروها صدفة ٍ ضمن الحريم
...................... تاتراقص لجلها كل السمات
كن ما يذكر أسامي غير ريم
................... لا طروا هالعام أسماء البنات !
وسلامتكم

؛؛؛