هيضت مكنوني وفكري تشــقى
وأبديت مافي غربتي من هقاويها
لك يا وزين الروح والعز لك يرقى
في عــزة ٍ ، نجم السهيلي يباريها
أصيح أنا بالصوت في وارد الملقى
من صحبة الجــــهال و إللي خاويها
واصبحت معمي في البشر وأتوقى
أخشى على رجلي تجي في ملاويها
فندم على الشارب وخشمي يدقى
دق الخشوم اللي يغرب جـــلاويها
لا العقل جاهل ولا هو إللي تسقى
آثام زلات الردى من جـراويها
لا والذي نزل كلامه على الورقى
غير الخبايث شفتها فـ يد حـــاويها
تدمر بيوت للسعد و الولد عقى
واقلها التمباك يضرم خـزاويــها
وأن جيت أواصل قربنا ما تبقى
من رفــقة الأيــام وإلا دعــاويها
ما ينعش الخـــاطر وينشي لها برقى
كل بخـل بالطيب والهجـر ناويــها
وكل زرع في ديرته بذرة الفرقى
يسعى بطبــعه وجهـده في رهاويــها
قمت أتلفت في البحــــر شـــرقى
وأغوص في غبات الابحــار وأطويها
وأخيل في ناس بالأســــواق تتحمقى
وأقول يالله جنبـني بـــــــــــلاويها
أخاف من ربي يجــــازني الحرقى
في مظلمات القــبر و الجمر شــاويها
فأعز نفسي عن مهاوي بها غرقى
تدني نفوس سـارحة في مغاويها
فاشـــد وأبعــد وأحـرف الساقى
عن صفـة يا بوي هذي مواريــها
وتسلم لنـا يا شيـخ في عالي المرقى
تشـرق على أحبـاب وقلوب تداويها
وأختامها يابوي منك الدعــاء نلقى
دعــوة ترد الروح وتبعث رجـــاويها
ــــــــــــــــــــــــــــــــــــــــــــ
ــــــــــــــــــــ